កីឡាករ Dybala សម្រេចចិត្តលេងអោយក្លិប AS Roma ជាបន្តទៀត
ខ្សែប្រយុទ្ធ Paulo Dybala បានប្រកាសយ៉ាងច្បាស់ៗថាខ្លួននៅរួមរស់ជាមួយក្លិប AS Roma បន្តទៀតហើយគេនឹងមិនផ្លាស់ទៅកាន់ក្លិបតោខៀវ Chelsea នោះឡើយ នេះបើយោងតាមសារព័ត៌មាន Sky Sport បានចុះផ្សាយ ។
កាលពីពេលថ្មីៗនេះខ្សែប្រយុទ្ធសញ្ជាតិ អាហ្សង់ទីន គឺកីឡាករ Paulo Dybala បាននិយាយក្នុងបទសម្ភាសន៍ជាមួយសារព័ត៌មាន sky sport ថាខ្លួននឹងលេងអោយក្លិប AS Roma បន្តទៀត បើទោះជាត្រូវបានក្លិប Chelsea ចាប់អារម្មណ៍លើខ្លួននឹងមានបំណងនាំយករូបគេមកចូលរួមជាមួយក្លិបនៅរដូវកាលក្រោយ ចំណែកឯខ្សែការពារ Thiago Silva នៅតែបង្ហាញក្តីសង្ឃឹមខ្ពស់ថាខ្សែប្រយុទ្ធខាងលើនេះនឹងមកកាន់តោខៀវ ក្រោយជួបគ្នាដោយចៃដន្យក្នុងការប្រកួតកីឡាមួយ។
គួរបញ្ជាក់ផងដែរថាកីឡាករ Paulo Dybala បានចូលរួមជាមួយក្លិបបាល់ទាត់ AS Roma កាលពីឆ្នាំ២០២២ រូបគេបានចូលលេងអោយក្រុមមួយនេះបាន ២៥ប្រកួតនឹងទាត់បញ្ចូលទី ១២គ្រាប់ ៕
