មកស្គាល់តម្លៃនាឡិការបស់តារាឆ្នើម PSG កីឡាករ Neymar Jr ដែលថ្លៃបំផុតចំនួន ៦គ្រឿងនេះ
កីឡាករ Neymar Jr របស់ក្លិប Paris Saint-Germain គឺជាកីឡាករបាល់ទាត់ដែលមានទ្រព្យសម្បត្តិច្រើនជាងគេនៅលើពិភពលោក ដោយគាត់មានទ្រព្យសម្បត្តិប្រហែល ១៦០ លានផោន ដូច្នេះហើយ សំណួរសួរថាតើកីឡាករប្រេស៊ីលរូបនេះនឹងចំណាយទ្រព្យសម្បត្តិរបស់គាត់តាមរបៀបណា ? គាត់មានរថយន្តទំនើបជាច្រើនគួរឲ្យភ្ញាក់ផ្អើល ហើយក្រៅពីនោះ កីឡាកររូបនេះក៏រស់នៅក្នុងផ្ទះដ៏ប្រណីតផងដែរ ហើយរបស់មួយទៀតដែលកីឡាករប្រេស៊ីលរូបនេះចូលចិត្តគឺនាឡិកាដៃ គាត់មាននាឡិកាជាច្រើនដ៏ប្រណិតដែលរួមមានដូចជា Rolex និង Richard Mille ។
ខាងក្រោមនេះគឺម៉ូតជានាឡិកាដ៏ល្អប្រណិតមួយចំនួននៅក្នុងទូរបស់ Neymar រួមជាមួយនិងតម្លៃរបស់នាឡិកាទាំងនោះ នេះបើយោងតាម The Sun៖
៦. Rolex Daytona 116505BK តម្លៃ ១០ ម៉ឺនផោន
៥. Rolex Daytona ‘John Mayer dial’ តម្លៃ ៣៤ ម៉ឺនផោន
៤. Rolex GMT- Master II Batman តម្លៃ ១ម៉ឺន ៦ពាន់ ២៥០ ផោន
៣. Rolex Daytona ‘Eye of the Tiger’ តម្លៃ ៤០ ម៉ឺនផោន
២. Richard Mille 68-01 Cyril Kongo តម្លៃ ១លាន ៥សែនផោន
១. Richard Mille 052 Tourbillon Skull តម្លៃ ១លាន ៦សែនផោន
