Cristiano Ronaldo ពេលគេមកលេងនៅ Al Nassr ដំបូងមានមនុស្សជាច្រើនបានរិះគន់មកលើខ្លួន
មានកីឡាករជាច្រើនធ្លាប់បានរិះគន់ខ្សែប្រយុទ្ធ Cristiano Ronaldo នៅពេលដែលកីឡាកររូបនេះបានប្តូរមកលេងក្លិប Al Nassr ដំបូងៗ ប៉ុន្តែឥឡូវនេះកីឡាករទាំងអស់នោះហាក់ដូចជាបានផ្លាស់ប្តូរចិត្តនឹងចង់មកចូលរួមជាមួយក្រុមនៅលីគកំពូល អារ៉ាប៊ីសាអ៊ូឌីត វិញម្តង ។
កីឡាករវ័យ ៣៩ឆ្នាំរូបនេះបាននិយាយក្នុងសន្និសីទកាសែតកាលពីពេលថ្មីៗនេះថា នៅពេលដែលខ្លួនបានមកដល់ប្រទេស អារ៉ាប៊ីសាអ៊ូឌីត ដំបូងមានមនុស្សជាច្រើនបានសើចចំអកនឹងរិះគន់លើរូបគេ តែក្រឡែកមើលឥឡូវនេះវិញមានអ្វីកើតឡើងខ្លះ មានតារាបាល់ទាត់ឆ្នើមជាច្រើនបានមកលេងនៅទីនេះ ហើយនៅមានកីឡាករជាច្រើនទៀតសុទ្ធសឹងតែត្រៀមខ្លួនផ្លាស់មកលេងទីនេះជាបន្ទាប់ៗ មិនត្រឹមតែប៉ុណ្ណោះកីឡាកររូបនេះបានបន្ថែមទៀតថា ខ្ញុំអាចនិយាយបាននៅថ្ងៃខាងមុខវិស័យបាល់ទាត់នៅក្នុងប្រទេសមួយនេះនិងកាន់តែរិកចម្រើនខ្លាំងជានេះទៅទៀត ។
គួរបញ្ជាក់ផងដែរថា ខ្សែប្រយុទ្ធសញ្ជាតិ ព័រទុយហ្គាល់រូបនេះបានផ្លាស់មកកាន់ Al Nassr របស់ប្រទេស អារ៉ាប៊ីសាអ៊ូឌីត នៅក្នុងឆ្នាំនេះ ហើយឥទ្ធិពលកីឡាកររូបនេះបានធ្វើអោយកីឡាករល្បីៗជាច្រើនផ្លាស់មកលេងនៅទីនោះដូចជា Benzema និង Kante ជាដើម ៕
