Mahrez យល់ព្រមចុះកុងត្រាជាមួយក្លិប Al Ahli របស់ប្រទេស អារ៉ាប៊ីសាអ៊ូឌីត
បើយោងតាមការចុះផ្សាយរបស់ Sky Sport បានអោយដឹងថា កីឡាករ Riyad Mahrez បានសម្រេចចិត្តចាកចេញពីក្លិបយក្សរបស់ប្រទេសអង់គ្លេស Manchester City នឹងបានចុះកុងត្រាថ្មីជាមួយក្លិបបាល់ទាត់ Al Ahli កាលពីពេលថ្មីៗនេះ ។
ខ្សែប្រយុទ្ធស្លាបស្តាំ Riyad Mahrez យល់ព្រមចុះកុងត្រារយៈពេល ៣ឆ្នាំជាមួយក្លិប Al Ahli របស់ប្រទេស អារ៉ាប៊ីសាអ៊ូឌីត ជាមួយនឹងតម្លៃផ្ទេរប្រមាណ ៣០ លានផោន មកដល់បច្ចុប្បន្ននេះ Mahrez ជាកីឡាករមួយរូបទៀតហើយដែលចាកចេញពីបាល់ទាត់នៅអឺរ៉ុបផ្លាស់ទៅលីគកំពូលរបស់ប្រទេស អារ៉ាប៊ីសាអ៊ូឌីត កន្លងទៅមានកីឡាករល្បីៗជាច្រើនបានធ្វើដូច្នេះដូចជា Cristiano Ronaldo កីឡាករ N’Golo Kante និងខ្សែប្រយុទ្ធKarim Benzema ជាដើម ។
គួរបញ្ជាក់ផងដែរថា Mahrez បានផ្ទេរចូលមកក្លិប Man City កាលពីឆ្នាំ ២០១៨ នឹងបានចូលលេងអោយក្រុមមួយសរុប ២៣៦ ប្រកួត និងស៊ុតចូល ៧៨ គ្រាប់ ៕
