Diaby ច្រានចោលការផ្តល់ជូនដ៏ធំរបស់អារ៉ាប៊ីសាអូឌីតតែពេញចិត្តទៅជាមួយ Aston Villa
ខ្សែបម្រើ Moussa Diaby ត្រូវបានគេចាប់អារម្មណ៍ជាខ្លាំងកាលពីពេលថ្មីៗនេះ ជាមួយនឹងពាក្យចចាមអារ៉ាមថារូបគេត្រូវបានក្លិប Al Nassr និង Aston Villa ចង់បានយ៉ាងខ្លាំង យ៉ាងណារបាយការណ៍ខាងលើជិតបានដល់ទីបញ្ចប់ក្នុងសប្តាហ៍នេះ បន្ទាប់ពីមានដំណឹងថា រូបគេជិតធ្វើការសម្រេចចិត្តអំពីអនាគតរបស់ខ្លួនហើយ។
ទាំង Al Nassr និង Aston Villa បានយល់ព្រមលើតម្លៃផ្ទេរជាមួយក្លិបបច្ចុប្បន្នរបស់ Diaby គឺ Leverkusen តែបើយោងតាមការចេញផ្សាយរបស់អ្នកកាសែត Fabrizio Romano បានឲ្យដឹងថា កីឡាករសញ្ជាតិបារាំងទំនងជាចូលរួមជាមួយ Aston Villa និងភ្ជាប់អនាគតនៅទឹកដីអង់គ្លេស តាមការស្រង់សំដីរបស់លោក Romano បាននិយាយថា៖”Diaby ទើបតែនិយាយថានឹងទៅ Villa ដោយចង់ចូលរួមគម្រោងរបស់លោក Unai Emery ដែលបាល់ទាត់នៅ PL គឺជាអាទិភាព”បើសិនជារឿងនេះកើតឡើងមែននោះ Villa នឹងត្រូវបង់ថ្លៃលើសពី ៥០ លានអឺរ៉ូទៅកាន់ក្លិប Leverkusen ។
គួរបញ្ជាក់ថា Diaby អាចនឹងក្លាយជាកីឡាករទីបីរបស់ក្លិប Aston Villa នៅរដូវក្តៅនេះបន្ទាប់ពី Pau Torres និង Youri Tielemans ៕ ប្រភព៖ tribuna