ទប់មិនជាប់! Dybala ធ្លាយមាត់ប្រាប់ Ronaldo ថាខ្លួនស្អប់រូបគេខ្លាំងណាស់
ខ្សែប្រយុទ្ធ Paulo Dybala ដែលបច្ចប្បន្នលេងឲ្យ AS Roma បានទម្លាយការពិតប្រាប់ Cristiano Ronaldo ថាខ្លួនធ្លាប់ស្អប់កីឡាករវ័យ ៣៨ឆ្នាំ ជាខ្លាំង ព្រោះថា រូបគេជាដៃគូប្រកួតប្រជែងជាមួយនិងកីឡាកររួមសញ្ជាតិគឺ Lionel Messi ដោយរូប Dybala តែងតែឈរនៅខាន Messi ជានិច្ច។
Paulo Dybala ថា៖ មានពេលមួយយើងបានជិះយន្តហោះទៅការប្រកួត ដែលខ្ញុំនៅខាងក្រោយ ហើយគាត់អង្គុយនៅខាងមុខខ្ញុំ។ នៅពេលមួយគាត់បានមករកខ្ញុំ ដើម្បីនិយាយអំពីបាល់ទាត់ និងរឿងផ្សេងៗទៀត។
ពួកយើងធ្លាប់ពិភាក្សាអំពីជីវិតរបស់ពួកយើងជាទូទៅ ដូច្នេះហើយបានជាខ្ញុំនិយាយទៅគាត់ថា ខ្ញុំស្អប់អ្នកកាលពីក្មេង ហើយពួកយើងបានសើច។ តាមពិតពួកយើងតែងតែមានទំនាក់ទំនងល្អ និងការសន្ទនាដ៏ល្អជាមួយគ្នា។
គួរបញ្ជាក់ថា Ronaldo និង Dybala ធ្លាប់ជាមិត្តរួមក្រុមជាមួយគ្នានៅក្លិប Juventus របស់អ៊ីតាលី ថែមទាំងធ្លាប់ឈ្នះជើងឯក Serie A ដល់ទៅ២ដង និងពានក្នុងស្រុកជាច្រើនទៀតផងដែរ៕