Arsenal ចាប់អារម្មណ៍ក្នុងការចុះហត្ថលេខាលើតារាឆ្នើមរូបនេះ សម្រាប់ជំនួសកន្លែង Bukayo Saka (មានវីដេអូ)
យោងតាម Football Transfers ក្រុម Arsenal ចាប់អារម្មណ៍ក្នុងការចុះហត្ថលេខាលើតារាឆ្នើមរបស់ Aston Villa កីឡាករ Emi Buendia ក្នុងនាមជាអ្នកជំនួសកន្លែង Bukayo Saka ហើយ Bunedia ដែលជាកីឡាករអន្តរជាតិអាហ្សង់ទីនបានចូលរួមជាមួយ Villa ក្នុងឆ្នាំ ២០២១ ក្នុងតម្លៃ ៣៣ លានផោន ដែលអាចកើនឡើងដល់ ៣៨ លានផោន ដោយខ្សែបម្រើស្លាបរូបនេះបានស៊ុតបាល់បញ្ចូលទីបាន ៩គ្រាប់ និងផ្តល់ជំនួយច្រើនក្នុងការប្រកួត ៧៨ ប្រកួតសម្រាប់ក្រុម Villains។
កីឡាករវ័យ ២៦ ឆ្នាំរូបនេះបានក្លាយជាគោលដៅផ្ទេរសម្រាប់ក្រុមកាំភ្លើងធំ ខណៈពួកគេសម្លឹងរកការពង្រឹងការប្រយុទ្ធរបស់ពួកគេមុនពេលចាប់ផ្តើមរដូវកាលនេះ ក្នុងនោះក្រុមរបស់លោក Mikel Arteta នឹងជួប Manchester City ក្នុងការប្រកួត Community Shield នៅថ្ងៃអាទិត្យនេះ ហើយ Gabriel Jesus ត្រូវបានដកចេញពីការប្រកួត ដូច្នេះហើយ Arteta អាចត្រូវការពឹងផ្អែកលើ Leandro Trossard ឬ Kai Havertz ដើម្បីដឹកនាំការប្រយុទ្ធ។
គួរការបន្ថែម Buendia ទៅក្នុងក្រុមអាចជួយឲ្យក្រុមកាំភ្លើងធំពង្រឹងចំណាត់ថ្នាក់របស់ពួកគេ ខណៈដែលពួកគេសម្លឹងមើលការកែលម្អលើការបញ្ចប់ចំណាត់ថ្នាក់លេខ ២ ក្នុងតារាង Premier League របស់ពួកគេកាលពីរដូវកាលមុន៕
