លោក Dino Zoff ភ្ញាក់ផ្អើលចំពោះការលាលែងពីតំណែងរបស់ Mancini ជាមួយក្រុមជម្រើសជាតិអ៊ីតាលី
លោក Dino Zoff អតីតគ្រូបង្វឹកក្រុម Juventus ដ៏អស្ចារ្យ និងជាអតីតគ្រូបង្វឹកអ៊ីតាលីនិយាយថា ការលាលែងពីតំណែងរបស់លោក Roberto Mancini បានធ្វើឲ្យគាត់ភ្ញាក់ផ្អើល លោក Mancini បានប្រកាសលាលែងពីតំណែងជាគ្រូបង្វឹកអ៊ីតាលីកាលពីថ្ងៃអាទិត្យជាមួយនិងកិច្ចសន្យារយៈពេល ៣ ឆ្នាំរង់ចាំគាត់ជាគ្រូបង្វឹកអារ៉ាប៊ីសាអូឌីត។
Zoff បានប្រាប់ Tuttosport ថា៖
“ខ្ញុំក៏ភ្ញាក់ផ្អើលដែរ ព្រោះមួយសប្តាហ៍មុនគាត់ត្រូវបានតែងតាំងជាអ្នកសម្របសម្រួលនៃក្រុមជម្រើសជាតិទាំងមូល។ Mancini ពិតជាធ្វើបានល្អ ហើយការដណ្តើមបានជើងឯកទ្វីបអឺរ៉ុបបន្ទាប់ពីជាង ៥០ ឆ្នាំគឺពិតជាអស្ចារ្យ។ អ្វីដែលពិបាកសម្រាប់គាត់គឺការមិនអាចនាំអ៊ីតាលីលេង FIFA Wolrd Cup 2022 បាន។ ខ្ញុំមិនចង់និយាយច្រើនពេកអំពីការជំនួសតំណែងរបស់គាត់ទេ។ ខ្ញុំបានដឹងថាពួកគេបានរៀបរាប់រួចហើយនូវឈ្មោះរបស់ Antonio Conte និង Luciano Spalletti ដែលជាគ្រូបង្វឹកដ៏ល្អសម្រាប់អ៊ីតាលី។ ខ្ញុំជឿជាក់ថាសហព័ន្ធអាចនឹងធ្វើគ្រប់យ៉ាង ដើម្បីស្វែងរកគ្រូបង្វឹកដែលសាកសមនិងក្រុមជម្រើសជាតិមួយនេះ”៕
