កីឡាករល្អបំផុត ៤ រូបក្នុងការប្រកួតសប្តាហ៍ទី ១ នៃក្របខ័ណ្ឌ Premier League

ការប្រកួតសប្តាហ៍ទី ១ក្នុងក្របខណ្ឌ English Premier League មិនបានធ្វើឲ្យអ្នកគាំទ្រខកចិត្តនោះទេ ខណៈដែលអ្នកគាំទ្រទូទាំងពិភពលោកត្រូវបានរីករាយយ៉ាងពេញទំហឹងដោយសកម្មភាពពីលីគបាល់ទាត់ល្អបំផុតនៅលើពិភពលោកមួយនេះ ក្នុងនោះក៏មានការប្រកួតជាច្រើនផងដែរ ប៉ុន្តែការប្រកួតដែលធំជាងគេសម្រាប់សប្តាហ៍ទី១នោះគឺ ជំនួបរវាង Chelsea ទល់និង Liverpool ដែលបញ្ចប់ទៅ ១-១ ។ អត្ថបទនេះនឹងដាក់ចំណាត់ថ្នាក់កីឡាករល្អបំផុតទាំងបួនពីសប្តាហ៍ដំបូងនៃសកម្មភាពនៅក្នុងការប្រកួតកំពូលរបស់អង់គ្លេស។

#4 Harvey Barnes

អតីតខ្សែបម្រើស្លាបរបស់ក្លិប Leicester City ដែលបានចូលរួមជាមួយក្រុម សារិកាព្រៃ នៅរដូវក្តៅនេះក្នុងតម្លៃ ៣៨ លានផោនដែលបានផ្តល់នូវទម្រង់លេងដ៏អស្ចារ្យក្នុងការបង្ហាញខ្លួនលើកដំបូងរបស់គាត់នៅ Newcastle ។ Harvey Barnes បានចេញពីកៅអីបម្រុងដើម្បីបញ្ចប់ការទទួលជ័យជម្នះដ៏គួរឲ្យភ្ញាក់ផ្អើលសម្រាប់ក្លិបរបស់គាត់ជាមួយនឹងក្រុម Aston Villa បន្ទាប់ពីការបង្ហាញដ៏គួរឲ្យចាប់អារម្មណ៍បែបនេះចេញពីកៅអីបម្រុង Barnes នឹងចង់បានឱកាសរបស់គាត់ក្នុងការបង្ហាញខ្លួនក្នុងជម្រើសដំបូង នៅក្នុងការប្រកួតបន្តបន្ទាប់។

#3 Rodri

ជាក់ស្តែង វាហាក់បីដូចជា Rodri បានអភិវឌ្ឍសមត្ថភាពរបស់គាត់ក្នុងការប្រកួតបីចុងក្រោយ ខណៈដែលគាត់បានស៊ុតបាល់បញ្ចូលទី និង assist ក្នុងជ័យជម្នះ ៣-០ របស់ក្រុមគាត់លើក្រុម Burnley របស់ Vincent Kompany ។ Rodri បាន Assist សម្រាប់គ្រាប់ទីមួយនៃរដូវកាល Premier League ២០២៣-២៤ ដែលស៊ុតបានដោយ Erling Haaland។ បន្ទាប់មកខ្សែបម្រើរបស់ Sky Blues រូបនេះបានបន្ថែមឈ្មោះរបស់គាត់ទៅក្នុងតារាងពិន្ទុជាមួយនឹងការស៊ុតបកពីចម្ងាយក្នុងប្រអប់នៅនាទីទី ៧៥ ។

#2 Alexander Isak

Alexander Isak មើលទៅគឺជាកីឡាករសំខាន់សម្រាប់ក្រុម Newcastle នៅរដូវកាលនេះ ខណៈដែលពួកគេសម្លឹងរកអំណាចរបស់ពួកគេនៅក្នុងលីគ ហើយពួកគេក៏ចង់បញ្ជាក់ផងដែរថា ការបញ្ចប់ចំណាត់ថ្នាក់កំពូលទាំង ៤ កាលពីរដូវកាលមុន មិនមែនជារឿងចៃដន្យនោះទេ។ កីឡាករអន្តរជាតិស៊ុយអែតរូបនេះបានស៊ុតបញ្ចូលទីមួយគ្រាប់ទាំង ២តង់ ខណៈដែលក្លិបមួយនេះ បានវាយបកយកឈ្នះ Aston Villa របស់ Unai Emery ៥-១ នៅកីឡដ្ឋាន St. James’ Park កាលពីថ្ងៃសៅរ៍ 12 សីហា កន្លងទៅ។

#1 Erling Haaland

ម៉ាស៊ីនស៊ុតបញ្ចូលទីរបស់ន័រវេសរូបនេះគឺជាកីឡាករដ៏គួរឲ្យចាប់អារម្មណ៍បំផុតមួយរូបពីការប្រកួតបើកឆាកចុងសប្តាហ៍នៃក្របខ័ណ្ឌ Premier League ។ Erling Haaland បាន​បង្ហាញ​​ថា​គាត់​ជា​អ្នក​រក​គ្រាប់​បាល់​បាន​ល្អ​បំផុត​នៅ​អឺរ៉ុប​បច្ចុប្បន្ន​ដោយ​ការ​ចាប់​ផ្តើម​ការ​ប្រជែង​ដណ្តើម​ពាន Premier League ២០២៣-២៤ និង​ស្បែក​ជើង​មាស​អឺរ៉ុប។ កាលពីរដូវកាលមុន គាត់បានស៊ុតបញ្ចូលទីបាន ៣៦ គ្រាប់ក្នុងការប្រកួតលីគចំនួន ៣៥ ដោយបានបំបែកកំណត់ត្រាស៊ុតបញ្ចូលទីជាច្រើនជាងគេនៅក្នុងលីគមួយនេះ៕