ចេញមកហើយ! សហព័ន្ធចេញបញ្ជីឈ្មោះកីឡាករបាល់ទះ ១២រូបជាផ្លូវការហើយ ដើម្បីទៅប្រកួតកីឡាទ្វីបអាស៊ីនៅចិន…
សហព័ន្ធកីឡាបាល់ទះកម្ពុជាបានចេញបញ្ជីឈ្មោះកីឡាករ ១២រូប ដើម្បីទៅចូលរួមប្រកួតកីឡាទ្វីបអាស៊ី (Asian Games) លើកទី១៩ ឆ្នាំ២០២២ (លើកមកឆ្នាំ២០២៣) នៅប្រទេសចិន ដែលភាគច្រើនជាកីឡាករដែលបានឈ្នះមេដាយប្រាក់ស៊ីហ្គេម លើកទី៣២ ឆ្នាំ២០២៣ ប៉ុន្តែគ្មានវត្តមានកីឡាករគុយបា ចូលសញ្ជាតិខ្មែរនោះទេ។
ពិតណាស់ សមាសភាពមានថ្នាក់ដឹកនាំ ១រូប គ្រូបង្គោល ១រូប គ្រូជំនួយ ១រូប និងកីឡាករ ១២រូប ក្នុងនោះមានដូចជា៖
- លោក អាំង សិរីសិដ្ឋ អគ្គលេខាធិការជាប្រតិភូដឹកនាំ
- លោក លី ជូន គ្រូបង្គោល
- លោក ហ្វ្រីអូល បារីយូស បិតតុ ជាគ្រូជំនួយ
- កីឡាករ សួន ចាន់ណារ៉ូ
- កីឡាករ វឿន វាសនា
- កីឡាករ ថុល រតនៈ
- កីឡាករ សឿន ហេង
- កីឡាករ គួច ម៉ុម
- កីឡាករ ប៊ន ណារិទ្ធ
- កីឡាករ ពិន សារ៉ុន
- កីឡាករ មឿន ម៉េងឡាយ
- កីឡាករ ទឹម សុវណ្ណដារ៉ា
- កីឡាករ ធី ម៉េងហួង
- កីឡាករ មួន និមល
- កីឡាករ ឌិន ស៊ីដែន
គួរបញ្ជាក់ផងដែរថា ក្រុមជម្រើសជាតិបាល់ទះកម្ពុជា ស្ថិតនៅពូល C ដែលមានក្រុមខ្លាំង កូរ៉េខាងត្បូង និងឥណ្ឌា ហើយការប្រកួតបើកឆាក កម្ពុជា ប៉ះ ឥណ្ឌា នៅថ្ងៃទី១៩ ខែកញ្ញា និងការប្រកួតបន្ទាប់ កម្ពុជា ប៉ះ កូរ៉េខាងត្បូង នៅថ្ងៃទី២១ ខែកញ្ញា ហើយការប្រកួតវគ្គសន្សំពិន្ទុក្នុងពូលនេះ ជ្រើសរើសយក ២ក្រុមឡើងទៅវគ្គបន្ត ដូច្នេះប្រសិនបើក្រុម កម្ពុជា ឈ្នះតែ ១ប្រកួតក៏បានឡើងទៅកាន់វគ្គបន្តទៀតដែរ៕