មកមើលក្រុមកំពូលខ្លាំងៗទាំង 10ដែលត្រៀមអង្រួនបាល់ទះបុរស 4×4 នៅមណ្ឌលខេត្តព្រះសីហនុ
ព្រឹត្តិការណ៍នៃការប្រកួតកីឡាបាល់ទះ ៤x៤ ទូទាំងប្រទេស WURKZ SPECIAL VOLLEYBALL CUP 4×4 ក្នុងឆ្នាំ ២០២៤ នឹងត្រូវចាប់ផ្ដើមប្រកួតនៅមណ្ឌលទី៥ គឺខេត្តព្រះសីហនុ ដែលជាទឹកដីសមុទ្រដ៏ស្រស់បំព្រង ក្នុងនោះមាន ១០ក្រុមចូលរួមប្រកួត ដោយចាប់ផ្តើមធ្វើឡើងនៅសៅរ៍ទី២៣ និងថ្ងៃអាទិត្យ ទី២៤មីនា ឆ្នាំ២០២៤។ ចាប់ពីម៉ោង៨:០០នាទីព្រឹកតទៅ នៅភូមិភាគខេត្តព្រះសីហនុ។
មកស្គាល់ក្រុមចំនួនទាំង១០ នឹងចូលរួមការប្រកួតនៅមណ្ឌលព្រះសីហនុ នៅក្នុងកម្មវិធីប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 មានដូចជា៖
១-ក្លឹបបាល់ទះស្នងការដ្ឋាននគរបាលខេត្តព្រះសីហនុ
២-ក្លឹបបាល់ទះស្នងការដ្ឋាននគរបាលខេត្តតាកែវ
៣-ក្លឹបបាល់ទះស្នងការដ្ឋាននគរបាលខេត្តកោះកុង
៤-ក្លឹបបាល់ទះស្នងការដ្ឋាននគរបាលខេត្តកែប
៥-ក្លឹបបាល់ទះវិទ្យាល័យចំណេះដឹងទូទៅ
៦-ក្លឹបកីឡាបាល់ទះចចកខ្មៅ
៧-ក្លឹបបាល់ទះសាំហាន់
៨-ក្លឹបបាល់ទះបុរីឈ្នះឈ្នះ
ការប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 បានរកឃើញម្ចាស់ជើងឯកភូមិភាគទី១ ខេត្តបាត់ដំបង បានទៅលើ ក្លិបកីឡាបាល់ទះបាត់ដំបង។ រីឯភូមិភាគទី២ គឺខេត្តសៀមរាប បានទៅលើក្រុមក្លិបកងពលធំអន្តរាគមន៍លេខ៣ (B)។ ចំណែកនៅភូមិភាគទី៣ គឺក្លិបបាល់ទះស្នងការដ្ឋាន ន.ប ខេត្តត្បូងឃ្មុំ។ រីឯនៅភូមិភាគទី៤ ក្នុងចំណោមភូមិភាគទាំង ៥គឺក្លិបបាល់ទះស្នងការដ្ឋាន ន.ប រាជធានីភ្នំពេញ ។