ជិតដល់ពេលហើយបងប្អូន! ក្រុមបាល់ទះកម្ពុជា និងប៉ះក្រុមបាល់ទះឥណ្ឌា ក្នុងកីឡាអាស៊ី វេលាម៉ោង ៦ល្ងាចស្អែកនេះ
ក្រុមបាល់ទះជម្រើសជាតិកម្ពុជានឹងត្រូវការប្រកួតជាមួយក្រុមខ្លាំងឥណ្ឌា វេលាម៉ោង៦:០០នាទីល្ងាចស្អែកនេះ (ម៉ោងនៅកម្ពុជា) សម្រាប់ការប្រកួតសន្សំពិន្ទុក្នុងពូលនៃព្រឹត្តិការណ៍កីឡាទ្វីបអាស៊ី លើកទី១៩ ឆ្នាំ២០២២ (លើកឆ្នាំ២០២៣) នៅប្រទេសចិន។
ពិតណាស់ ក្រុមបាល់ទះជម្រើសជាតិកម្ពុជា បានធ្វើដំណើរទៅដល់ភូមិកីឡាក្នុងព្រឹត្តិការណ៍ទ្វីបអាស៊ី លើកទី១៩ នៅទីក្រុង Hangzhou ប្រទេសចិន កាលពីម្សិលមិញ ពោលគឺទៅដល់មុនកីឡាកម្ពជាផ្សេងៗទៀត ពីព្រោះក្រុមបាល់ទះកម្ពុជា ត្រូវប្រកួតមុនគេ។
គួរបញ្ជាក់ផងដែរថា នៅថ្ងៃទី១៩ ខែកញ្ញា ឆ្នាំ២០២៣ វេលាម៉ោង ៦:០០នាទីល្ងាច ក្រុមបាល់ទះជម្រើសជាតិកម្ពុជា នឹងត្រូវប្រកួតបើកឆាកប៉ះក្រុមបាល់ទះជម្រើសជាតិឥណ្ឌា វគ្គសន្សំពិន្ទុក្នុងពូល C ហើយនៅថ្ងៃទី២១ ខែកញ្ញា ឆ្នាំ២០២៣ ក្រុមបាល់ទះជម្រើសជាតិកម្ពុជា នឹងត្រូវបន្តទៅប៉ះជាមួយក្រុមបាល់ទះជម្រើសជាតិកូរ៉េខាងត្បូង វេលាម៉ោង១:៣០នាទី ដោយកូរ៉េខាងត្បូង ត្រូវប្រកួតបើកឆាកជាមួយឥណ្ឌា នៅថ្ងៃទី២០ ខែកញ្ញា ឆ្នាំ២០២៣ យ៉ាងណាការប្រកួតនេះ កម្ពុជាត្រូវការឈ្នះតែមួយប្រកួតប៉ុណ្ណោះ ក៏បានឡើងទៅកាន់វគ្គបន្តទៀតដែរ៕