Erik ten Hag និយាយថាគាត់យល់ពីការស្រែកមិនពេញចិត្តពីអ្នកគាំទ្រ Man United បន្ទាប់ពីចាញ់ Crystal Palace នៅ Old Trafford
Erik ten Hag បាននិយាយថាគាត់យល់ពីការមិនពេញចិត្តពីអ្នកគាំទ្រ Manchester United បន្ទាប់ពីការចាប់ផ្តើមរដូវកាលដ៏អាក្រក់បំផុតរបស់ក្លិបក្នុងរយៈពេល ៣៤ ឆ្នាំ ការបរាជ័យ ១-០ របស់ United ក្រោមស្នាដៃក្រុម Crystal Palace នៅ Old Trafford គឺជាការប្រកួតទី ៤ របស់ពួកគេក្នុងការប្រកួត Premier League ចំនួន ៧ នៅរដូវកាលនេះ ដែលស្មើនឹងកំណត់ត្រាដ៏គួរអាក្រក់បំផុតតាំងពីឆ្នាំ ១៩៨៩ ដែលស្ទើរតែនាំឲ្យលោក Sir Alex Ferguson បាត់បង់ការងារ។
Ten Hag បាននិយាយថា៖
“ខ្ញុំយល់ហើយ យើងលេងនៅផ្ទះ ហើយយើងលេង Crystal Palace – យើងត្រូវតែឈ្នះដោយការគោរព។ ខ្ញុំដឹងថារាល់ការប្រកួតនៅ Premier League គឺពិបាក។ អ្នកត្រូវតែលេងឲ្យអស់ពីសមត្ថភាព ហើយខ្ញុំយល់ថាអ្នកគាំទ្ររំពឹងថាល្អបំផុត។ វាជាការចាប់ផ្តើមមិនល្អ យើងត្រូវតែធ្វើឲ្យកាន់តែប្រសើរឡើង។ នេះនៅមិនល្អគ្រប់គ្រាន់ទេ។” ការធ្លាក់ចុះចុងក្រោយបំផុតគឺកាន់តែខកចិត្តបន្ទាប់ពីការឈ្នះជាបន្តបន្ទាប់លើក្រុម Burnley និង Palace ក្នុងពានរង្វាន់ Carabao Cup កាលពីថ្ងៃអង្គារបានបង្កើនក្តីសង្ឃឹមថាការចាប់ផ្តើមមិនល្អរបស់ United គឺនៅពីក្រោយពួកគេ។
មានសំណួរសួរថា តើគាត់ខ្លាចរដូវមានការឡើងចុះឬអត់ Ten Hag បានឆ្លើយថា៖
“ពិតណាស់, នោះគឺជាការព្រួយបារម្ភ ហើយយើងត្រូវតែមានភាពស៊ីសង្វាក់គ្នាជាងនេះ។ ការទាមទារគឺយើងទទួលបានជ័យជម្នះ ហើយយើងត្រូវតែធ្វើឲ្យបានល្អជាងពេលនេះ ខ្ញុំអាចផ្តល់ហេតុផលដល់អ្នក ប៉ុន្តែអ្នកនឹងយល់ថាវាជាលេស ហើយគ្មានលេសអ្វីនោះទេ។ យើងត្រូវតែឈ្នះ។ វាមិនមែនជារឿងសំណាងទេ អ្នកមិនអាចពន្យល់វាបែបនេះបានទេ”៕
