តារាឆ្នើម Nice បានប្រកាសថាមានសុវត្ថិភាពបន្ទាប់ពីគាត់ គំរាមលោតពីលើស្ពានដើម្បីស.ម្លាប់ខ្លួន
Nice បានបញ្ជាក់ថាកីឡាកររបស់ពួកគេ Alexis Beka Beka មានសុវត្ថិភាពបន្ទាប់ពីមានការព្រួយបារម្ភចំពោះសុវត្ថិភាពរបស់គេកាលពីថ្ងៃសុក្រ ក្លិបបារាំង OGC Nice បានប្រកាសថា កីឡាកររបស់ពួកគេគឺ Alexis Beka Beka ឥឡូវនេះមានសុវត្ថិភាព បន្ទាប់ពីឧប្បត្តិហេតុដ៏គួរឲ្យព្រួយបារម្ភមួយបានកើតឡើងកាលពីថ្ងៃសុក្រទាក់ទងនឹងបញ្ហាផ្លូវចិត្តរបស់គាត់។ របាយការណ៍ក្នុងប្រទេសបារាំងបានលើកឡើងថា កីឡាកររូបនេះត្រូវបានគេកំណត់អត្តសញ្ញាណថាជាបុរសដែលគំរាមលោតចុះពីស្ពាន Magnan ក្នុងទីក្រុង Nice។
យោងតាមសារព័ត៌មានក្នុងស្រុក Nice Matin កីឡាករបាល់ទាត់បានឈប់នៅលើផ្លូវ A8 ហើយគម្រាមលោតពីលើស្ពាន Magnan ដែលមានកម្ពស់ប្រហែល ១០០ ម៉ែត្រ កីឡាកររូបនេះត្រូវបានគេជឿថាមានការលំបាកក្នុងការតស៊ូបន្ទាប់ពីបានបែកគ្នាជាមួយដៃគូកាលពីពេលថ្មីៗនេះ។ អ្នកពន្លត់អគ្គីភ័យ ត្រូវបានបញ្ជូនទៅកាន់កន្លែងកើតហេតុដើម្បីជួយ Beka Beka ខណៈដែលពួកគេបានព្យាយាមនាំគាត់ចេញពីស្ពាន។ ប៉ូលីសក៏ត្រូវបានគេដាក់នៅក្បែរនោះ ហើយព្យាយាមទាក់ទងជាមួយកីឡាករខាងលើ ដើម្បីលើកទឹកចិត្តគាត់ឲ្យផ្លាស់ទីដើម្បីសុវត្ថិភាព។
Nice ក៏បានបញ្ជូនអ្នកចិត្តសាស្រ្តទៅ A8 ផងដែរ ដើម្បីព្យាយាមនិយាយជាមួយកីឡាកររូបនេះ ដែលមានវិបត្តិកើតឡើង។ ប៉ុន្តែក្លិបបានបញ្ជាក់ថាពេលនេះកីឡាកររបស់ពួកគេមានសុវត្ថិភាពហើយទទួលបានការថែទាំសុខភាពផ្លូវចិត្តហើយ Beka Beka មិនទាន់មានវត្តមានសម្រាប់ Nice ក្នុង Ligue 1 រដូវកាលនេះទេ ប៉ុន្តែគាត់គឺជាផ្នែកមួយនៃក្រុមសម្រាប់ការទទួលជ័យជម្នះ ១-០ លើក្រុម AS Monaco កាលពីថ្ងៃអង្គារ ដោយត្រូវបានទុកនៅលើកៅអីបម្រុងក្នុងនាមជាកីឡាករបម្រុងដែលមិនប្រើប្រាស់៕
