Real Madrid កំពុងសម្លឹងឃើញអ្នកចាំទីរូបនេះមកជំនួសកន្លែងរបស់ Thibaut Courtois

វ័យកាន់ចាស់ហើយមានទាំងរបួស រីឯអ្នកផ្សេងក៏ដូចជាមិននៅក្នុងកែវរបស់ Papa Perez ខណៈដែលទើបតែចុះកិច្ចសន្យាថ្មីភ្លាមជាមួយ Ancelotti ក្លិប Real Madrid កំពុងសម្លឹងឃើញអ្នកចាំទីវ័យក្មេងរបស់ អ៊ុយរាហ្គាយរូបនេះមកជំនួសកន្លែង Thibaut Courtois។

ស្ថានភាពអ្នកចាំទីរបស់ Real Madrid មើលទៅមិនច្បាស់លាស់ បន្ទាប់ពីរបួសរបស់ Thibaut Courtois ដែលនឹងធ្វើឲ្យគាត់អវត្តមានពេញមួយរដូវកាលនេះ ហើយ Real Madrid មិនទាន់មានអ្នកចាំទីដៃទីមួយច្បាស់លាស់នៅឡើយទេ។ ជាមួយនឹង Courtois ឥឡូវនេះឈានចូលវ័យសាម ហើយមិនមានភាពប្រាកដប្រជាណាមួយលើ Kepa Arrizabalaga ឬ Andriy Lunin នោះឡើយខណៈ Los Blancos កំពុងតាមរកមើលអ្នកស្នងតំណែងរបស់ Courtois ។ នៅដើមខែធ្នូ ត្រូវបានគេរាយការណ៍ថា Real Madrid បានសម្លឹងឃើញអ្នកចាំទីក្លិប Club Atlético Peñarol កីឡាករ Randall Rodriguez ហើយឥឡូវនេះ Diario AS បាននិយាយថាពួកគេចង់ធ្វើការនាំយកគាត់ជាជម្រើសរយៈពេលវែងដែលអាចជំនួស Courtois ។

Rodriguez គឺជាគន្លឹះដ៏សំខាន់សម្រាប់ក្រុម Uruguay ក្នុងជ័យជម្នះអាយុក្រោម 20 ឆ្នាំរបស់ពួកគេក្នុងការប្រកួតជើងឯកអាមេរិកខាងត្បូង ដោយធ្វើឲ្យមានការសង្គ្រោះបាល់ដ៏សំខាន់ៗមួយចំនួន។ មិន​ទាន់​បាន​បង្ហាញ​ខ្លួន​ជា​លើក​ដំបូង​ដោយ Club Atlético Peñarol គាត់​ស្ថិត​នៅ​លើ​កៅអី​បម្រុង។ កីឡាករ​វ័យ​២០​ឆ្នាំរូបនេះ​នៅ​សល់​តែ​មួយ​ឆ្នាំ​ទៀត​លើ​កិច្ច​សន្យា​របស់​គាត់​នៅ​ទីនោះ​ផង​ដែរ៕