ដំណឹងល្អ! កីឡាករប្រដាល់ជួរមុខកម្ពុជាម្នាក់នេះ…
ជាដំណឹងចូលរួមត្រេកអរ ពេលនេះ ឈឿង ល្វៃ បានត្រៀមខ្លួនរួចរាល់ហើយ សម្រាប់ព្រឹត្តិការណ៍កីឡាស៊ីហ្គេម ២០២៣ ចំណែកឯបញ្ហារបួសខូចជេីង ដែលកើតមានក្នុងកំឡុងពេលប្រកួតជាមួយកីឡាករ សាមី បានចាមេក ឥឡូវនេះបានជាសះស្បើយ ១០០% ហើយ។
ជាការពិតណាស់ នាពេលកន្លងទៅកីឡាករ ឈឿង ល្វៃ បានចុះកិច្ចសន្យាចូលរួមជាមួយក្លិបគុនខ្មែរជើងឯកពិភពលោក របស់លោកឧកញ៉ា ស្រី ចាន់ថន ហើយក៏ជាក្លិបដំបូងគេដែលមានរចនាសម្ជស្សស្រស់ស្អាត់បំផុត ហើយការសាងសង់ក្លិប គុនខ្មែរជើងឯកពិភពលោកមួយនេះ ក៏សម្រេចជិតរួចរាល់ ១០០ភាគរយហើយដែរ។
កីឡាករ ឈឿង ល្វៃ បាននិយាយថា៖ របួសគ្រាដែលខ្ញុំប៉ះសាមី បានចាមេក នោះ បើគិតមកទល់ពេលនេះខ្ញុំបានជាសះស្បើយ 100%ហើយ សូមបងប្អូនកុំបារម្ភអី នៅក្នុងព្រឹត្តិការណ៍កីឡាស៊ីហ្គេម ខាងមុខនេះ ខ្ញុំបានត្រៀមខ្លួនរួចរាល់ហើយសម្រាប់ចេញប្រយុទ្ធ៕