ស៊ីហ្គេម៖ បាល់ទាត់ផ្នែកនារីនឹងប្រកួតនៅថ្ងៃនេះក្នុងកីឡដ្ឋាន RSN
ថ្ងៃទី៣ ខែឧសភានេះ ក្រុមបាល់ទាត់នារីកម្ពុជា នឹងជួបប្រកួតជាមួយក្រុមបាល់ទាត់នារីឡាវ និងមួយប្រកួតទៀត ក្រុមថៃជួបជាមួយសឹង្ហបូរី នៅក្នុងព្រឹត្តិការណ៍សុីហ្គេមលើកទី៣២ ដែលកម្មវិធីធំ នឹងចាប់ផ្តើមនៅថ្ងៃទី៥ ខាងមុខនេះ។
ក្រុមជម្រើសជាតិនារីកម្ពុជារបស់យើងបានចំណាយពេល ៧ខែឯណោះសម្រាប់ការប្រមូលម្តុំហ្វឹកហាត់នៅក្នុងស្រុក និងក្រៅប្រទេស។ វៀតណាមជាក្រុមម្ចាស់មេដៃមាសឆ្នាំមុនស្ថិតនៅពូល A ដែលមាន ហ្វីលីពីន មីយ៉ាន់ម៉ា និងម៉ាឡេស៊ី ចំណែកឯក្រុមជម្រើសជាតិនារីកម្ពុជាយើងវិញ គឺស្ថិតនៅពូលB ជាមួយក្រុមថៃ សឹង្ហបូរី និងឡាវ។
គួរបញ្ចាក់ផងដែរថា ការប្រកួតនឹងចាប់ផ្តើមពីម៉ោង ៤:០០នាទីល្ងាចនេះ តទៅនៅកីឡដ្ឋាន Smart RSN Stadium ចំណែកសំបុត្រទស្សនាការប្រកួតនឹងដាក់ចែកជូនបងប្អូនចាប់ពីម៉ោង ១:០០ នាទីថ្ងៃត្រង់នៅកីឡដ្ឋានប្រកួតផ្ទាល់ផងដែរ៕