ជីវិតពិតគឺបែបនេះ មិនចាញ់ក្នុងរឿងនោះទេ សំខាន់ត្រូវតស៊ូទៅមុខទៀត លោក សឿន វីតា កំពុងធ្លាក់ខ្លួនលើសពីMVខែមទៅទៀត!

តារាសម្តែងប្រុស លោក សឿន វីតា ធ្លាប់មានកេរ្តិ៍នៅក្នុងវិថីសិល្បៈ និងសម្តែងក្នុង MV របស់ខែមមួយបទឈ្មោះថា ជីវិតអ្នកក្រ ទទួលបានការចាប់អារម្មណ៍ខ្លាំងថា លោកពូកែសម្ដែង និងដាក់អារម្មណ៍លេងចូលសាច់រឿង ទស្សនាហើយហូទឹកនែត្រាមិនដឹងខ្លួន ចូលសាច់រឿងជីវិតកូនអ្នកក្រភាគច្រើនគឺស្រដៀងនិងសាច់រឿងចម្រៀងនោះ តែអ្វីដែលកាន់តែភ្ញាក់ផ្អើល គឺជីវិតលោកបច្ចុប្បន្នលើសពីសាច់រឿងក្នុងចម្រៀងនោះទៅទៀត។

តាមរយៈការកោះកកាយឡើងវិញពីអ្នកផលិតមាតិកាលើបណ្តាញសង្គម ដែលមហាជនធ្លាប់ស្គាល់លោកផងដែរ ធ្លាប់ជាអ្នកនិពន្ធសៀវភៅដ៏ល្បីឈ្មោះ គឺលោកគ្រូ អួន សារ៉ាត់ និងបច្ចុប្បន្នកំពុងផលិតមាតិកាទាក់ទងនិងកូននេនសីហា ដែលកំពុងល្បីបរិស័ទប្រុសស្រីស្រលាញ់ចូលចិត្តលោកផងដែរ ដោយនៅថ្ងៃទី១១ ខែមករា ឆ្នាំ២០២៤នេះ បានសម្ភាសជាមួយលោក សឿន វីតា ពិតជាលើសពីការអាណិតនៅជីវិតពេលធ្លាក់ខ្លួនលើសពីសូន្យទៅទៀត។

តាមរយៈបទសម្ភាសជាវីដេអូនោះ លោក សឿន វីតា បានប្រាប់ថា លោកធ្លាក់ខ្លួន និងជំពាក់បំណុលគេវណ្ឌ.ក ហើយបច្ចុប្បន្ននេះកំពុងលក់ដូរម្ហូបអាហារ លក់តាមអនឡាញ ដែលបានដើមទុនពីមិត្តភក្តិម្នាក់ផ្តល់ជូន ២០០ដុល្លារ សម្រាប់ចាប់ផ្តើមជីវិតឡើងវិញ។ លោកថា កន្លងមក ព្រោះតែការរកស៊ីលោភលន់ខ្លាំងពេក និងចង់ការពារមុខមាត់ក្នុងសង្គម ទើបចេះតែដើរបង្កើតបំណុលថែមពីមួយទៅមួយ រហូតដល់ថ្នាក់មួយខែៗ គ្រាន់តែបង់ការប្រាក់គេជិត ៨០០០ដុល្លារឯណោះ។

តាមរយៈជីវិតពិតរបស់អតីតតារាសម្តែងប្រុសរូបនេះ គឺសបញ្ជាក់ពីតថភាពសង្គម និងជីវិតរស់នៅប្រចាំថ្ងៃ ផ្តល់មេរៀនជាច្រើនដល់ប្រជាជនខ្មែរជាច្រើនទៀត សូមប្រើប្រាស់ជីវិតឲ្យសមល្មមអាចទៅបាន កុំចង់បានចង់មានលោភលន់ខ្លាំងពេក ដើម្បីជៀសវាងពីការលំបាកវេទនា ពេលដែលខ្លួនដើរដល់ផ្លូវទាល់ច្រក ប៉ុន្តែក៏សូមសរសើរលោក សឿន វីតា ផងដែរ ទោះជាជួបការលំបាកក្នុងជីវិតពិតបែបណា ក៏លោកនៅតែតស៊ូទៅទៀតបាន។ Media 365 Daily សូមបួងសួង និងជូនពរលោក និងក្រុមគ្រួសារ ជួបតែសំណាងល្អ រកស៊ីទទួលបានបងប្អូនអតិថិជនគាំទ្របន្ថែមទៀតផង។