ក្រុមគោព្រៃនារីកម្ពុជា បើកទ្វារទទួលក្រុមភ្ញៀវឡាវ នាល្ងាចនេះនៅកីឡដ្ឋានស្មាត RSN
ខណៈដែលកីឡាមួយចំនួនត្រូវបើកការប្រកួតមុន ពិធីបើកនៅថ្ងៃទី៥ ខែឧសភា ឆ្នាំ២០២៣ គិតត្រឹមថ្ងៃទី៣ ខែឧសភានេះ ការប្រកួតកីឡាស៊ីហ្គេមលើកទី៣២ បានបន្តដំណើរការ ដោយម្ចាស់ផ្ទះកម្ពុជា មានវត្តមានក្នុងការប្រកួតវិញ្ញាសាជាច្រើន ក្នុងនោះមានបាល់ទាត់បុរស បាល់ទះនារី និងកីឡាផ្សេងៗទៀតផងដែរ ។
រីឯការប្រកួតបាល់ទាត់ផ្នែកនារីកម្ពុជា ដែលស្ថិតនៅក្នុងពូលB បើកទ្វារទទួលក្រុមភ្ញៀវឡាវ ក្នុងការប្រកួតលើកដំបូងរបស់ខ្លួន នាវេលាម៉ោង៨យប់ នៅកីឡដ្ឋាន Smart RSN នាល្ងាចនេះផងដែរ។ ការបើកទ្វារទទួលក្រុមភ្ញៀវនេះ ក្រោយការតទល់គ្នារវាងថៃ និងសិង្ហបុរីជាគូបើកឆាកមុន។ រីឯជំនួបពូលA នឹងរៀបចំនៅកីឡដ្ឋានកងយោធពលខេមរភូមិន្ទ។ សម្រាប់បាល់ទាត់បុរសវិញ បណ្តាក្រុមនៅពូលB បន្តដំណើរការប្រកួតរបស់ខ្លួននៅកីឡដ្ឋានព្រីនស៍ ចាប់ពីម៉ោង៤រសៀលតទៅ។
គួរបញ្ជាក់ផងដែរថា ក្រុមជម្រើសជាតិនារីកម្ពុជា មុននឹងធ្វើការប្រកួតនៅក្នុងព្រឹត្តិការណ៍ ស៊ីហ្គេមលើកទី៣២ នេះក៏បានធ្វើការបោះជំរុំហ្វឹកហាត់ យ៉ាងស្វិតស្វាញនៅក្រៅប្រទេសផងដែរ៕