គំនុំចាស់! សែន ច័ន្ទរិទ្ធីគុណដល់ពេលត្រូវជម្រះបញ្ចីចាស់ Saiyok សារជាថ្មីហើយ
ជាការពិតណាស់ រិទ្ធីគុណបានផុសរូបថតប្រកួតជាមួយ Saiyok និងបានសរសេរខ្លឹមសារខ្លីបែបនេះថា៖”វាដល់ពេលសម្រាប់ខ្ញុំដើម្បីសងសឹកហើយ បន្ទាប់ពីរយៈពេលជាង១០ឆ្នាំមុន”។
ការលើកឡើងរបស់ Thiago បានធ្វើឡើងនៅព្រឹកថ្ងៃទី៦ ខែកុម្ភៈ ឆ្នាំ២០២៤ បន្ទាប់ពី សៃយុគបានមកប្រកួតជាមួយកីឡាករកម្ពុជា ធន់ រិទ្ធី កាលពីយប់ថ្ងៃអាទិត្យ ទី៤ ខែកុម្ភៈ ដែលបញ្ចប់ទៅដោយលទ្ធផលស្មើគ្នាធ្វើឲ្យអ្នកគាំទ្រមួយចំនួនមិនពេញចិត្តឡើយ។
គួរបញ្ចាក់ថាកីឡាករ សែន ច័ន្ទរិទ្ធីគុណ បានប្រកួតជាមួយកីឡាករថៃ Saiyok កាលពីថ្ងៃទី២៣ ខែកុម្ភៈ ឆ្នាំ២០១៣ នៅសង្វៀន Thai Fight ក្នុងប្រទេសថៃ។ បន្ទាប់ពីតស៊ូគ្នា៣ទឹក កីឡាករប្រេស៊ីល-កម្ពុជាបានចាញ់ដោយពិន្ទុ។
