មិនគួរកើតឡើង! ផ្ទុះការតវ៉ាខ្លាំងក្នុងការប្រកួតរិន ដេវិតក្រោយចាញ់ធន់ អៀឡៃដោយពិន្ទុ
កាលពីយប់មិញនេះអតីតកីឡាករប្រដាល់ល្បីឈ្មោះ ឡោ សំណាង បានចាត់ទុកអយុត្តិធម៌សម្រាប់កីឡាករ រិន ដេវិតខណះនៅពេលត្រូវបានចៅក្រមកាត់ក្តីឲ្យចាញ់ពិន្ទុកីឡាករ ធន់ អៀឡៃ សម្រាប់ការប្រកួតដណ្តើមខ្សែក្រវាត់ Gansberg kun Khmer នៅឯសង្វៀនថោន។
លោក ឡោ សំណាង បានឡើងទៅលើសង្វៀនក្រោយពេលលទ្ធផលត្រូវបានប្រកាសភ្លាម ហើយក៏មានអ្នកនៅខាងកីឡាករ រិន ដេវិត ពីរបីនាក់ទៀតបានឡើងទៅកាន់សង្វៀនផងដែរ។ ពួកគាត់បានបង្ហាញកាយវិការ និងស្រែកពីការមិនទទួលយកលទ្ធផល ជាពិសេសលោក ឡោក សំណាង បានដោះអាវបង្ហាញកាយវិការមិនពេញចិត្តយ៉ាងខ្លាំងមែនទែនចំពោះការដាក់ពិន្ទុមិនច្បាស់លាស់បែបនេះ។
កាលពីថ្ងៃទី ៩ខែកុម្ភះឆ្នាំ ២០២៤ លោកឧកញ៉ា ស្រី ចាន់ថន អនុប្រធានសហព័ន្ធកីឡាប្រដាល់គុនខ្មែរ ក៏បានបង្ហោះសារទាំងយប់ជុំវិញលទ្ធផលនេះ។ លោកបាននិយាយថា ៖«ត្រូវនិយាយគ្នាទាំងយប់ហើយ រិន ដេវិត បងគេងអត់លក់»។
