តើក្លឹបភ្នំពេញក្រោន ឬក៍ក្លឹប Central Coast ដែលអាចយកជ័យជម្នះបាន?

ការប្រកួត​វគ្គពាក់កណ្ដាលផ្ដាច់ព្រ័ត្រក្នុងតំបន់អាស៊ាន​ជើងឯក AFC Cup ក្រុម​អូស្ត្រាលី​ Central Coast Mariners ត្រូវបើកទ្វារកីឡាដ្ឋាន Industree Group ទទួលស្វាគមន៏ក្រុមភ្ញៀវកម្ពុជា ភ្នំពេញក្រោននៅ​ថ្ងៃទី១៣ ខែកុម្ភៈ ឆ្នាំ២០២៤ វេលាម៉ោង៤រលៀល (ម៉ោងនៅព្រះរាជាណាក្រកម្ពុជា) ហើយក៏មានការផ្សាយបន្តផ្ទាល់ពី BTV Cambodia។

ជាការពិតណាស់ក្រុមតំណាងឲ្យកម្ពុជាក្រុមភ្នំពេញក្រោន បាន​ធ្វើដំណើរទៅទឹកដីអូស្រ្ដាលីជាលើកទី២ បន្ទាប់ពីការប្រកួត​​ជា​មួយក្រុម Macarthur ក្នុងវគ្គសន្សំពិន្ទុក្នុងពូល ​ប៉ុន្តែក្រុមទាំងមូល​បាន​ប្តេជ្ញា​​​​អស់ពីលទ្ធភាព​ដើម្បីស្វែងរក​ឱកាស​ឡើងទៅវគ្គបន្ត។

នេះគីជាកំណត់ត្រា ៥ប្រកួតចុងក្រោយរបស់ក្រុម Central Coast Mariners
-Central Coast Mariners ២-១ Melbourne City FC
-Central Coast Mariners ២-០ Brisbane Roar
-Adelaide United ០-៤ Central Coast Mariners
-Wellington Phoenix ០-០ Central Coast Mariners
-Central Coast Mariners ៣-១ Sydney FC

ចំណែកនេះគីជាកំណត់ត្រា ៥ប្រកួតចុងក្រោយរបស់ក្រុម ភ្នំពេញក្រោន
-គិរីវង់សុខសែនជ័យ ១-៤ ភ្នំពេញក្រោន (ពានរង្វាន់លីគកំពូលកម្ពុជា)
-ភ្នំពេញក្រោន ៩-០ ត្បូងឃ្មុំ (ពានរង្វាន់សម្ដេចតេជោ)
-ភ្នំពេញក្រោន ១-០ បឹងកេត (ពានរង្វាន់លីគកំពូលកម្ពុជា)
-ព្រះខ័នរាជស្វាយរៀង ៣-២ ភ្នំពេញក្រោន (ពានរង្វាន់លីគកំពូលកម្ពុជា)
-គិរីវង់សុខសែនជ័យ ០-២ ភ្នំពេញក្រោន (ពានរង្វាន់សម្ដេចតេជោ)

គួរបញ្ចាក់ថាក្រុមភ្នំពេញក្រោន​អវត្តមានខ្សែការពារឆ្នើម ជួន ចាន់ចាវ ដោយសារ​បញ្ហារបួសអំឡុងពេលប្រកួតជាមួយក្រុម អាយ អេស អាយ ខណៈ​ខ្សែ​ប្រយុទ្ធ​គ្រោះ​ថ្នាក់​របស់ Central Coast Mariners គឺ​កីឡាករ Marco Tulio បានផ្លាស់ទៅក្លិប Kyoto Sanga របស់ប្រទេសជប៉ុន។