ក្រុមបាល់ទាត់ទីម័រខាងកើតឈ្នះការប្រកួតលើកដំបូងក្នុងសុីហ្គេម
មានក្រុមជម្រើសជាតិទីម័រខាងកើតបានទទួល ៣ពិន្ទុពេញៗ ជាលើកដំបូងក្រោយឈ្នះក្រុមហ្វីលីពីន។
សម្រាប់ពូល A កាលពីម្សិលមិញមានការប្រកួតចំនួន២ គឺក្រុមជម្រើសជាតិ ឥណ្ឌូនេស៊ី បានយកឈ្នះទៅលើក្រុមជម្រើសជាតិមីយ៉ានម៉ា ក្នុងលទ្ធផល ២-០ រឺឯក្រុមជម្រើសជាតិទីម័រខាងកើតនៅតែមានសង្ឃឹមអាចឡើងទៅកាន់វគ្គបន្តបានក្រោយយកឈ្នះក្រុម ហ្វីលីពីន ក្នុងលទ្ទផល ៣-០។
គួរបញ្ចាក់ផងដែរថា ក្នុងពូល A ឥណ្ឌូនេស៊ី ស្ថិតនៅកំពូលតារាង ដោយ ២ប្រកួតឈ្នះទាំង ២ ប្រកួត មាន ៦ពិន្ទុ កម្ពុជា ស្ថិតនៅលំដាប់លេខ២ ដោយ ២ប្រកួតឈ្នះ ១ ប្រកួតស្មើ ១ប្រកួត មីយ៉ាន់ម៉ា និង ទីម័រខាងកើត មាន៣ពិន្ទស្មើគ្នា និង ហ្វីលីពីន នៅបាតតារាងដោយមានតែ ១ពិន្ទុប៉ុណ្ណោះ៕
