មកស្គាល់ក្រុមទាំង ៩ដែលត្រូវប្រកួតបាល់ទះ Wurkz Special Volleyball Cup នៅខេត្តសៀមរាប
ព្រឹត្តិការណ៍នៃការប្រកួតកីឡាបាល់ទះ ៤x៤ ទូទាំងប្រទេស WURKZ SPECIAL VOLLEYBALL CUP 4×4 ក្នុងឆ្នាំ ២០២៤ នឹងត្រូវចាប់ផ្ដើមប្រកួតនៅមណ្ឌលទី២ គឺខេត្តសៀមរាបដែលជាទឹកដីដ៏ស្រស់បំព្រងដែលមាន៩ក្រុមចូលរួមប្រកួត ដោយចាប់ផ្តើមធ្វើឡើងនៅថ្ងៃសៅរ៍ ទី២ ខែមិនារហូតដល់ថ្ងៃអាទិត្យ ទី៣ ខែមីនា ឆ្នាំ២០២៤ ចាប់ពីម៉ោង៨:០០នាទីព្រឹកតទៅ នៅទីតាំងតារាងបាល់ទះ ១៦៨ស្ពត។
មកស្គាល់ក្រុមចំនួនទាំង៩ នឹងចូលរួមការប្រកួតនៅមណ្ឌលសៀមរាប នៅក្នុងកម្មវិធីប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 មានដូចជា៖
១. ក្លិបកីឡាបាល់ទះ យុវជនសៀមរាប
២. ក្លិបវិទ្យាល័យសម្តេចឪ
៣. ព្រះវិហារយូណៃធីត
៤. ក្រុមកីឡាបាល់ទះឃុំត្បែង
៥. ក្លិបកីឡាបាល់ទះ អាចារ្យលាក់
៦. ក្លិបកីឡាបាល់ទះលោកតាឌីព្រះវិហារ
៧. ស្នងការដ្ឋាន ន.ប ខេត្តឧត្តរមានជ័យ
៨. ក្លិបកងពលធំអន្តរាគមន៍លេខ៣ (B)
៩. ស្នងការដ្ឋាន ន.ប ខេត្តសៀមរាប
គួរបញ្ជាក់ថាភូមិភាគទី១ គឺភូមិភាគបាត់ដំបងដែលយើងចាប់ផ្ដើមនៅថ្ងៃទី ២៤-២៦ ខែកុម្ភៈ ឆ្នាំ២០២៤ មាននៅតាមបណ្ដាលខេត្តដូចជា កំពង់ឆ្នាំង បាត់ដំបង ពោធិ៍សាត់ ប៉ៃលិន និងបន្ទាយមានជ័យ ដោយបានរកឃើញម្ចាស់ជើងឯកគឺ បានទៅលើ ក្លិបកីឡាបាល់ទះបាត់ដំបង។
ចំណែកព្រឹត្តិការណ៍ប្រកួតកីឡាបាល់ទះ WURKZ SPECIAL VOLLEYBALL CUP 4×4 2024 មានឧបត្ថម្ភផ្ដាច់មុខដោយភេសជ្ជ:ប៉ូវកម្លាំង WURKZ និង ក្រុមហ៊ុន ខ្មែរ ប៊ែវើរីជីស ទាំងការរៀបចំកម្មវិធី និងប្រាក់រង្វាន់ជាច្រើនផងដែរ។
