ដំណឹងល្អ ! អាជ្ញាធរជាតិអប្សរា សម្រេចបើកទូលាយរឿងថតរូបភាព សម្លៀកបំពាក់ប្រពៃណីជាតិ និងអន្ដរជាតិហើយ

នៅថ្ងៃទី២៥ ខែកក្កដា ឆ្នាំ២០២៤ នេះបើយោងតាមការចុះផ្សាយរបស់ នាយកដ្ឋានព័ត៌មាន បានឲ្យដឹងថា អាជ្ញាធរជាតិអប្សរា បានសម្រេចបើកទូលាយរឿងថតរូបភាព និងសម្លៀកបំពាក់ប្រពៃណីទាំងជាតិ និងអន្តរជាតិ ដោយពុំតម្រូវឲ្យអ្នកទាំងនោះបង់ប្រាក់នោះទេ ។

ក្នុងនោះអាជ្ញាធរជាតិអប្សរា បានបញ្ជាក់ថាសម្រាប់សាធារណជនជាតិ និងអន្តរជាតិ ព្រមទាំងប្រតិបត្តិករនានាអំពីសេចក្តីសម្រេចនូវការកែសម្រួលថ្មីដែលពាក់ព័ន្ធនឹង សេវាសាធារណៈផ្លូវការក្នុងរមណីយដ្ឋានអង្គរ ដូចខាងក្រោម៖

១.ការថតផ្សព្វផ្សាយក្នុងប្រព័ន្ធបណ្ដាញព័ត៌មានសង្គម (Facebook, Youtube, Tik Tok……elc.) ពុំចាំបាច់ដាក់ពាក្យស្នើសុំ ប៉ុន្តែត្រូវចៀសវាងការថតរូបអាសអាភាស និងសកម្មភាពប៉ះពាល់តម្លៃសីលធម៌ និងវប្បធម៌ នៅគ្រប់ផ្នែកទាំងអស់នៃសេវាទូទៅ។

២. ការថតរូបក្នុងសម្លៀកបំពាក់អាពាហ៍ពិពាហ៍ចងក្រង ជាអនុស្សាវរីយ៍ផ្ទាល់ខ្លួនទាំងជាតិ និងអន្ដរជាតិ ដោយពុំប្រើប្រាស់ឧបករណ៍ ដ្រូន។ (ពុំចាំបាច់ដាក់ពាក្យស្នើសុំ )
– អនុញ្ញាតទាំងសម្លៀកបំពាក់ជាតិ ឬ អន្ដរជាតិ។
– សម្លៀកបំពាក់ដែលមានលក្ខណៈ ប្រពៃណីត្រូវបានលើកទឹកចិត្តឲ្យប្រើ ប្រាស់សម្អាងការ ដែលទទួលស្គាល់ ដោយក្រសួងវប្បធម៌ និងវិចិត្រសិល្បៈ៕

ប្រភព ៖ នាយកដ្ឋានព័ត៌មាន News Department