តើឥណ្ឌូនេស៊ីចំណាយប្រាក់ប៉ុន្មាន ដែលអញ្ជើញ Messi មកប្រកួត?
ជាការពិតណាស់ ជម្រើសជាតិអាហ្សង់ទីនត្រូវបានសារព័ត៍មានជាច្រើនចុះផ្សាយពីការប្រកួតនៅទ្វីបអាស៊ី ជាមួយអូស្ត្រាលី និងឥណ្ឌូណេស៊ី នាខែក្រោយនេះជាលក្ខណៈ Friendlies។ អាហ្សង់ទីន និងត្រូវប៉ះអូស្ត្រាលី នៅឯកីឡដ្ឋាន Workers Stadium ក្នុងទីក្រុងប៉េកាំង ប្រទេសចិន ថ្ងៃទី១៥ ខែមិថុនា ចំណែក អាហ្សង់ទីន និងត្រូវប៉ះជាមួយឥណ្ឌូណេស៊ី នាថ្ងៃទី១៩ ខែមិថុនា ទីក្រុងហ្សាកាតា។
បើយោងតាម សហព័ន្ធកីឡាបាល់ទាត់ឥណ្ឌូនេស៊ី(PSSI) បានឲ្យដឹងថា ទឹកប្រាក់ជាង ៥លានដុល្លាសម្រាប់សំណាយលើផែនការអញ្ជើញអាហ្សង់ទីន មកប្រកួតមិត្តភាពនេះ ហើយអ្នកដែលត្រូវរ៉ាប់រងប្រាក់ក៏ច្រើននេះគឺ ប្រធានក្រុមហ៊ុនសមាគមកីឡាបាល់ទាត់ឥណ្ឌូនេស៊ីលោក Erick Thohir ជាអតីតប្រធានក្លិបបាល់ទាត់ Inter Milan។
គួរបញ្ជាក់ថា ជម្រើសជាតិអាយុក្រោម ២២ឆ្នាំឥណ្ឌូនេស៊ីទើបតែបានទទួលមេដាយមាសក្នុងព្រឹត្តិការណ៍ស៊ីហ្គេមលើកទី ៣២ដែលកម្ពុជាធ្វើជាម្ចាស់ផ្ទះនាពេលថ្មីៗនេះ៕