ក្រោយចាកចេញអស់រយៈពេល ៥ឆ្នាំមក កីឡាកររូបនេះមានបំណងចង់ត្រលប់មកBarcelona វិញ
Andres Iniesta បានប្រកាសថារូបគេនិងចាកចេញពីក្លិប Vissel Kobe ដែលមានមូលដ្ឋានលើទឹកដីឯប្រទេសជប៉ុន នៅខែកក្កដាខាងមុខនេះហើយ ជាមួយគ្នានោះដែរលោកនៅតែបញ្ជាក់ជំហរយ៉ាងច្បាស់ថា លោកចង់ត្រលប់មកក្លឹបចាស់របស់ខ្លួនគឺក្រុមអ្នកមានបុណ្យ Barcelona នៅថ្ងៃណាមួយនាពេលអនាគត ប៉ុន្តែមិនមែននាពេលអនាគតដ៏ខ្លីនេះទេ។
ក្នុងកិច្ចសម្ភាសមួយ កីឡាករសញ្ចាតិអេស្ប៉ាញ រូបនេះលោកបាននិយាយថា៖
ដូចខ្ញុំនិយាយរាល់ដងអញ្ចឹង ខ្ញុំនៅតែចង់ត្រលប់មក Barcelona វិញនៅចំណុចណាមួយក្នុងជីវិតរបស់ខ្ញុំ តែចំណុចនោះហាក់ដូចជានៅឆ្ងាយនៅឡើយ។ លោកបានបន្ថែមទៀតថា៖ប៉ុន្តែខ្ញុំចង់បន្តលេងបាល់តទៀត ខ្ញុំនៅតែមានអារម្មណ៍ថា ខ្ញុំអាចលេងតបានដដែល។
គួរបញ្ចាក់ផងដែរថាកីឡាករ Andres Iniesta បានចូលលេងអោយ Barcelona ចាប់តាំងពីឆ្នាំ២០០២ រហូតដល់ឆ្នាំ២០១៨ នឹងបានបន្តអាជីពបាល់ទាត់របស់ខ្លួនជាមួយក្លិបVissel Kobe នៅតំបន់អាសុីរហូតដល់បច្ចុប្បន្ននេះ។
