អីយ៉ាស់! Bellingham និងក្លាយជាកីឡាកររបស់ Real Madrid អាទិត្យក្រោយនេះ

យោងតាមសារព័ត៌មាន Marca បានរាយការណ៍ថាកីឡាករ Jude Bellingham នឹងត្រូវបានប្រកាសជា កីឡាកររបស់ក្លិប Real Madrid នៅដើមសប្តាហ៍ក្រោយ។

ខ្សែបម្រើសញ្ជាតិអង់គ្លេសរូបនេះមានទំនាក់ទាក់ទងជាយូរមកហើយ ជាមួយនិងការផ្លាស់ប្តូរចេញពី Dortmund ហើយក្លិបស្ដេចសរ Real Madrid គឺជាអ្នកនាំមុខគេក្នុងការប្រជែងយកកីឡាកររូបនេះ បើទោះបីជាមានការប្រកួតប្រជែងខ្លាំងពីក្លិបមកពីអង់គ្លេសគឺ Liverpool និង Manchester City ក៏ដោយ។

បើតាមអ្នកការសែតដែលទុកចិត្តបំផុតលោក Fabrizio Romano បានឲ្យដឹងថា Real Madrid ត្រៀមខ្លួនរួចជាស្រេចក្នុងការ ប្រកាសជាផ្លូវការនៅកិច្ចព្រមព្រៀងជាមួយ Bellingham នៅសប្ដាហ៍ក្រោយ។ ខណៈដែលតម្លៃផ្ទេរប្រហែលជា ១០០លានអឺរ៉ូ។

គួរបញ្ជាក់ថា ខ្សែបម្រើ Jude Bellingham គឺជាកីឡាករម្នាក់ដែលក្លិបនៅអេស៉្បាញមួយនេះ ចាប់អារម្មណ៍តាំងពីរដូវកាលមុន ដោយរូបគេធ្លាប់បង្ហាញខ្លួនឲ្យក្រុម Borussia Dortmund ចំនួន ៩២ដង ហើយស៊ុតបញ្ចូលទីបានចំនួន ១២គ្រាប់៕