ខ្សែប្រយុទ្ធ សឹងតែភ្លេចឈ្មោះរបស់ PSG ម្នាក់នេះចង់ចាកពីក្លិបអោយបានលឿនតាមដែលអាចធ្វើបាន
កីឡាករ Mauro Icardi ដែលជាកីឡាកររបស់ក្លឹប Paris Saint-Germain (PSG) ត្រៀមផ្លាស់ប្តូរទៅកាន់ក្លិប Galatasaray ដោយតម្លៃផ្តាច់កុងត្រាចំនួន 10 លានអ៊ឺរ៉ូនៅរដូវក្តៅនេះ។ ខ្សែប្រយុទ្ធនឹងត្រូវបានគេរាយការណ៍ថានឹងស្នាក់នៅទីក្រុងអ៊ីស្តង់ប៊ុល បន្ទាប់ពីរូបគេត្រូវបានក្រុមតួកគីមួយនេះខ្ចីជើងក្នុងរដូវកាលនេះ ។
យោងតាមរបាយការណ៍នៅ Le Parisien បានឱ្យដឹងថា Galatasaray ជិតឈានដល់ការយល់ព្រមលើកិច្ចព្រមព្រៀងសម្រាប់ Icardi ។ PSG បានទាមទារ 10 លានអឺរ៉ូសម្រាប់កីឡាករអាហ្សង់ទីន ហើយភាគីទួរគីបានត្រៀមខ្លួនទទួលយក Icardi ផងដែរ។
ខ្សែប្រយុទ្ធរូបនេះស៊ុតបញ្ចូលទីបាន 21 គ្រាប់ និងបញ្ជូនបាល់ឱ្យមិត្តរួមក្រុមចំនួន 7 ដងក្នុងការបង្ហាញខ្លួន 23 លើកក្នុងក្របខ័ណ្ឌ Super Lig នៅរដូវកាលនេះ ដើម្បីជួយក្រុមរបស់គាត់លើកពានលីគកំពូលទួរគី ផងដែរ។
