Messi បញ្ចាក់យ៉ាងច្បាស់ៗថាខ្លួននឹងមិនត្រលប់មក Barcelona វិញទេ😨😨
ខ្សែប្រយុទ្ធឆ្នើម Lionel Messi បានប្រកាសថាខ្លួននិងចាកចេញពីក្លិប PSG នៅក្នុងខែមិថុនានេះហើយ។ មានសារព័ត៌មានមួយចំនួនធំបានចុះផ្សាយថាមានក្លិបជាច្រើនទាំងក្នុងទ្វីបអ៊ឺរ៉ុប នឹងអាសុី បានទាក់ទងទៅកីឡាកររូបនេះរួចមកហើយដើម្បីពិភាក្សាក្នុងការផ្តល់កុងត្រាអោយរូបគេ។ ក្នុងចំណោមក្លិបដែលបានទាក់ទងរូបនេះទាំងអស់ក្នុងនោះក៏មានក្លិបចាស់របស់គេផងដែលគឺក្រុមអ្នកមានបុណ្យ FC Barcelona ប៉ុន្តែយ៉ាងណាមិញ Lionel Messi អាចនឹងមិនត្រលប់ទៅ Barcelona វិញក្រោយមិនទាន់ទទួលបានភាពច្បាស់លាស់ពីក្លិបចាស់។
យោងតាមសារព័ត៌មានអេស្ប៉ាញធំៗមួយចំនួនបានចុះផ្សាយថា Messi បានប្រាប់ Barcelona ថាចង់ត្រលប់មកក្លិបចាស់កាលពីសប្ដាហ៍មុន ប៉ុន្តែទោះជាយ៉ាងណាមកទល់ពេលនេះ Messi មិនទាន់ទទួលបានភាពច្បាស់លាស់អ្វីទាំងពីសំណាក់ Barca រឿងចង់យកខ្លួនទៅលេងនៅក្លិបវិញនៅឡើយទេ ដោយសារតែបញ្ហាបែបនេះហើយទើប តារាឆ្នើមជំនាញជើងឆ្វេងរូបនេះមិនត្រលប់ទៅ Barcelona វិញតែម្ដង។ ក្លិប Barcelona និងគ្រូបង្វឹក Xavi តែងតែនិយាយជាសាធារណៈថា ចង់បាន Messi វិលត្រលប់មកវិញ។
Lionel Messi គឺជាវីរបុរសរបស់ក្លឹប Barca លេងឲ្យក្លិបពីនៅថ្នាលយុវជន រហូតដល់ឈុតធំ ហើយជួយក្លឹបឈ្នះពានធំៗជាច្រើន។ យ៉ាងនេះក្ដី បញ្ហាហិរញ្ញវត្ថុក្លិប បានបង្ខំភាគីក្លិប និង Messi ចែកផ្លូវគ្នាកាលពី ២ ឆ្នាំមុន ហើយ Messi ក៏បានចូលរួមជាមួយ PSG នៅពេលនោះ៕
