Angel di Maria ប្រកាសថាខ្លួននឹងចាកចេញពីក្លិប Juventus
ខ្សែប្រយុទ្ធ Angel di Maria បានបញ្ជាក់ថា គាត់នឹងចាកចេញពីក្លិប Juventus របស់ Serie A នៅពេលកុងត្រារបស់គាត់ផុតកំណត់នៅចុងខែនេះ ហើយកីឡាករវ័យ ៣៥ឆ្នាំរូបនេះបានចូលរួមជាមួយក្លិបយក្សអ៊ីតាលីកាលពីរដូវក្តៅមុន លើការផ្ទេរដោយឥតគិតថ្លៃពី Paris Saint-Germain និងបានចុះហត្ថលេខាលើកិច្ចសន្យារយៈពេល ១ឆ្នាំជាមួយនិងជម្រើសនៃការបន្តរយៈពេល ១២ខែ។
ខ្សែបម្រើស្លាបអាហ្សង់ទីនរូបនេះនឹងមិនមានបំណងបន្តជាមួយក្លិបមួយនេះទេហើយគាត់នឹងក្លាយជាកីឡាករ free agent ចាប់ពីថ្ងៃទី ១ខែកក្កដានេះតទៅ កីឡាករ Di Maria បានលេងអោយក្លិបមួយនេះចំនួន២៦ប្រកួត រកបាន ៨គ្រាប់ នឹងបញ្ជូនបាល់ឲ្យមិត្តរួមក្រុមចំនួន ៧ដង កីឡាកររូបនេះបានបង្ហោះនៅក្នុង Instagram ផ្លូវការរបស់ខ្លួនដោយបាននិយាយនៅក្នុងសារនោះថា៖
ខ្ញុំចាកចេញដោយចិត្តស្ងប់ខ្ញុំបានផ្តល់អ្វីគ្រប់យ៉ាងដែលខ្ញុំមានដើម្បីជួយក្លិបបន្តឈ្នះពាន ប៉ុន្តែវាមិនអាចទៅរួចទេ រូបគេបានបន្ថែមទៀតថាខ្ញុំចាកចេញជាមួយនឹងរសជាតិជូរចត់នៃការមិនបានសម្រេចវា ប៉ុន្តែជាមួយនឹងសុភមង្គលនៃការទទួលយកមិត្តភក្តិជាច្រើនបន្ទាប់ពីសំលៀកបំពាក់ដ៏អស្ចារ្យ ដែលខ្ញុំបានចូលរួមជាមួយខ្ញុំ អរគុណមិត្តរួមក្រុមទាំងអស់សម្រាប់ការស្រលាញ់ ដែលពួកគេបានផ្តល់ឲ្យខ្ញុំតាំងពីថ្ងៃដំបូង ខ្ញុំតែងតែមានអារម្មណ៍ដូចនៅផ្ទះចឹង។
គួរបញ្ចាក់ផងដែរថា ខ្សែប្រយុទ្ធ Angel di Maria បានចាកចេញចាកចេញពីក្លិប Paris Saint-Germain នៅរដូវកាលមុន នឹងបានផ្លាស់ប្តួរមកក្រុម Juventus នៃទឹកដីប្រទេស អ៊ីតាលី មកដល់ពេលបច្ចុប្បន្ន៕
