លោកគ្រូ Xavi និយាយអ្វីខ្លះអំពីរឿង Neymar ត្រលប់មក Barcelona វិញ
គ្រូបង្វឹករបស់ក្លិប Barcelona គឺលោក Xavi Hernandez បានបង្ហាញអារម្មណ៍ភ្ញាក់ផ្អើលយ៉ាងខ្លាំងដែលបានទទួលដំណឹងពីពាក្យចចាមអារ៉ាមមួយចំនួនដែលចុះផ្សាយថាកីឡាករ Neymar នឹងត្រលប់មកចូលរួមជាមួយក្លិប Barca វិញនៅរដូវកាលខាងមុខនេះ ។
លោក Xavi បាននិយាយក្នុងកិច្ចសម្ភាសន៍មួយថា Neymar មិនស្ថិតនៅក្នុងគម្រោងផែនការរបស់ក្រុមរបស់លោកឡើយ លោកបានបន្ថែមទៀតថាគាត់ចូលចិត្តកីឡាកររូបនេះក្នុងនាមជាមិត្តភ័ក្ដិប៉ុណ្ណោះ តែសម្រាប់ Barca វិញ Neymar មិនស្ថិតជាកីឡាករអាទិភាពដែលក្លិបត្រូវទិញចូលនោះទេ យោងតាមប្រភពសារព័ត៌មានរបស់ប្រទេស បារាំង ជាច្រើនបានអះអាំងថា Neymar អាចនឹងចេញពី PSG ហើយនៅទីផ្សារដោះដូរដ៏ខ្លីខាងមុខ ដោយក្លិបចង់បានកីឡាករថ្មី និងវ័យក្មេងមកចូលរួមជំនួសវិញ ។
គួបញ្ចាក់ផងដែរថាកីឡាករសញ្ជាតិ ប្រេសុីល រូបនេះ បានលេងឲ្យក្លិបអ្នកមានបុណ្យ Barcelona ពីឆ្នាំ ២០១៣ ដល់ ២០១៧ ហើយលេងបានសរុប ១៨៦ ប្រកួត និងស៊ុតចូល ១០៥ គ្រាប់ ៕
