Benzema ប្រាប់មូលហេតុដែលទៅលេងឲ្យក្លិបអារ៉ាប៊ីសាអ៊ូឌីត
កាលពីថ្មីនេះៗអ្នកគាំទ្រក្នុងវិស័យបាល់ទាត់ជាច្រើនបានភ្ញាក់ផ្អើលយ៉ាងខ្លាំងទៅលើក្រុមបាល់ទាត់មានមូលដ្ឋាននៅប្រទេស អារ៉ាប៊ីសាអ៊ូឌីត គឺក្លិប Al-Ittihad ដែលទើបតែប្រកាសនាំយកខ្សែប្រយុទ្ធពីក្លិប Real Madrid គឺកីឡាករ Karim Benzema ក្នុងតម្លៃនឿយហត់ប្រមាណ ២០០លានអឺរ៉ូនៅក្នុង ១ឆ្នាំ ។
អ្នកសារព័ត៌មានមួយរូបបានចោទសួរទៅកីឡាករសញ្ជាតិ បារាំង រូបនេះក្នុងកិច្ចសម្ភាសន៍របស់ពួកគេទាក់ទង់ទៅនឹងការផ្លាស់ប្តូរក្លិបលេងរបស់គាត់ហេតុអ្វីបានជាគេសម្រេចចិត្តជ្រើសរើសមកលេងនៅទឹកដីប្រទេស អារ៉ាប់បែបនេះ កីឡាករ Benzema បានឆ្លើយតបទៅកាន់គេវិញថា គ្មានចម្លែកនោះទេព្រោះតែទីនេះជាប្រទេស មូស្លីម រូបគេបានបន្ថែមទៀតថា ខ្ញុំជាប្រជាជនមូស្លីមស្រាប់អញ្ចឹងហើយខ្ញុំតែងតែចង់ទៅរស់នៅប្រទេសមូស្លីមបែបហ្នឹងហើយ។
គួរបញ្ចាក់ផងដែរថាកីឡាករ Karim Benzema បានរួមរស់ជាមួយReal Madrid អស់រយៈពេល ១៤រដូវកាល ដោយឈ្នះពានតូចធំជាច្រើនដូចជា UEFA Champions League, La Liga និង Ballon D’or ជាដើម៕
