Arsenal ត្រៀមបញ្ចេញកីឡាករ ១៣ រូបបន្ទាប់ពីរបូតពានរង្វាន់ Premier League
Arsenal នឹងបញ្ចេញកីឡាករ ១០ នាក់នៅចុងខែនេះ នៅពេលដែលកិច្ចសន្យារបស់ពួកគេផុតកំណត់ រួមទាំងកីឡាករម្នាក់ដែលបានបង្ហាញខ្លួន ១៣២ ប្រកួតសម្រាប់ក្រុមដំបូងផងដែរ ហើយក្រុមកាំភ្លើងធំបានចេញសេចក្តីថ្លែងការណ៍មួយកាលពីព្រឹកថ្ងៃសុក្រនេះ ដែលបញ្ជាក់ថាកីឡាករណានឹងចាកចេញពីក្លិបនៅពេលដែលកិច្ចព្រមព្រៀងរបស់ពួកគេត្រូវបានបញ្ចប់ជាផ្លូវការ។
ក្នុងចំណោមនោះគឺ Ainsely Maitland-Niles ដែលបានចំណាយពេលបួនរដូវកាលចុងក្រោយក្នុងការខ្ចីជើងទៅកាន់ក្លិបផ្សេងៗ ហើយអតីតកីឡាករជម្រើសជាតិអង់គ្លេសរូបនេះ នឹងត្រូវចាកចេញជាមួយកីឡាករផ្សេងៗដូចជា Zach Awe, Joel Ideho, George Lewis, Matt Smith, Tom Smith, Kellel Green, Alexander Kovacevic, Tino Quamina, Mathaeus Roberts ក៏នឹងត្រូវចាកចេញផងដែរ។
ទន្ទឹមនឹងនេះ ក្លិបក៏បបានផ្តល់ឲ្យអ្នកគាំទ្ររបស់ពួកគេនូវបច្ចុប្បន្នភាពអំពីស្ថានភាពជាមួយ Reiss Nelson ដោយនិយាយថាការចរចាកំពុងបន្ត ហើយកិច្ចសន្យារបស់ Nelson ក៏នឹងត្រូវបញ្ចប់នៅថ្ងៃទី ៣០ ខែមិថុនា ឆ្នាំ ២០២៣ផងដែរ ប៉ុន្តែមានពាក្យចចាមអារ៉ាមថាគាត់នឹងបន្តស្នាក់នៅក្នុងក្លិបមួយនេះ។
