Manchester United កំពុងត្រៀមខ្លួនចុះកុងត្រានាំយក Mason Mount ចូលរួមជាមួយពួកគេនៅរដូវកាលក្រោយ
បើយោងតាមការចុះផ្សាយរបស់លោក Fabrizo Romano បានអោយដឹងថាពេលនេះក្លិប Manchester United កំពុងតែចូលខ្លួនប្រកួតប្រជែងតាមដេញថ្លៃទិញយកខ្សែប្រយុទ្ធសញ្ជាតិ អង់គ្លេស ពីក្រុម Chelsea មកចូលរួមជាមួយពួកគេនៅរដូវកាលក្រោយ ។
Man Utd កំពុងតែខិតខំក្នុងការបញ្ចុះបញ្ចូលកីឡាករ Mason Mount អោយចូលរួមជាមួយនឹងពួកគេនៅរដូវកាលក្រោយនេះ ចំណែកឯក្រុមតោខៀវ Chelsea វិញបានត្រៀមខ្លួនរួចរាល់សម្រាប់ការទទួលសំណើរពីក្រុមបិសាចក្រហមក្នុងការលក់កីឡាករនេះចេញឲ្យតែត្រូវថ្លៃជាមួយគ្នា ដោយក្លិបតោខៀវនេះទាមទារថ្លៃប្រមាណ ៦០-៦៥លានផោនប៉ុណ្ណោះក្នុងកិច្ចព្រមព្រៀងការផ្ទេរកីឡាកររូបនេះ តាមប្រភពដដែលបានបន្ថែមទៀតថាតាមពិតទៅសាមីខ្លួន Mount បានព្រមព្រៀងទៅឲ្យ Man Utd ហើយព្រោះតែកីឡាករនេះមិនចង់បន្តនៅជាមួយក្លិប Chelsea ទៀតនោះទេ។
គួរបញ្ជាក់ផងដែរថាកីឡាករ Mason Mount បានចូលរួមជាមួយក្រុម Chelsea បាន៤រដូវកាលហើយ ដោយចូលលេងបាន ១៩៥ប្រកួត និងស៊ុតចូលបាន ៣៣គ្រាប់ ៕
