អីយ៉ាស់! Arsenal កំពុងរៀបចំសំណើរលើកទីបីសម្រាប់ Declan Rice បន្ទាប់ពីមានគូរប្រជែងថ្មី

យោងតាមសារព័ត៌មាន Daily Mirror បានឲ្យដឹងថាក្លិប Arsenal កំពុងរៀបចំសំណើជាលើកទីបី ដើម្បីនាំយកកីឡាករ Declan Rice បន្ទាប់ពីក្លិប Manchester City បានចូលខ្លួនមកប្រកួតប្រជែងលើរូបគេដែល ការដេញថ្លៃចំនួនពីរត្រូវបានបដិសេធដោយ West Ham United រហូតមកដល់ពេលនេះ ខណៈដែលពួកគេរំពឹងថាអាចលក់ចេញកីឡាកររូបនេះបានតម្លៃប្រហែល ១០០ លានផោន។

ដំបូងឡើយក្រុមកាំភ្លើងធំមិនចាប់អារម្មណ៍នឹងការទាមទាររបស់ពួកគេទេ ប៉ុន្តែឥឡូវនេះក៏កំពុងពិចារណា ដោយសារតែដឹងថាក្លិប Man City អាចនឹងហ៊ានចាយទឹកប្រាក់ដ៏ធំបន្តទៀត ទោះជាយ៉ាងណា West Ham កំពុងបដិសេធមិនព្រមចុះចាញ់ការវាយតម្លៃរបស់ពួកគេ ខណៈដែល Arsenal នៅតែចាត់ទុក Rice ជាគោលដៅលេខទីមួយក្នុងការនាំយកមកកាន់ទឹកដី Emirates។

គួរបញ្ជាក់ថា Declan Rice ត្រូវក្លិប West Ham ដាក់តម្លៃបែបនេះតាំងពីរដូវកាលមុនមកម្លេះ ដែលពេលនោះក្លិប ​Manchester United ចង់បានរូបគេមកកាន់ទឹកដី Old Trafford ប៉ុន្តែត្រូវដកសំណើរត្រលប់មកវិញ៕ ប្រភព៖ Daily Mirror