រឿង ២ ដែល Harry Kane អាចផ្តល់ជូន Bayern Munich ប្រសិនបើការផ្ទេរមួយនេះអាចកើតឡើង
យោងតាមការផ្សាយរបស់ Transfer News Live ក្រុម Bayern Munich បានចំណាប់អារម្មណ៍របស់ពួកគេក្នុងការចុះហត្ថលេខាលើ Harry Kane នៅរដូវក្តៅនេះ ហើយការចរចាកំពុងបន្តជាមួយនិងលក្ខខណ្ឌផ្ទាល់ខ្លួនរបស់គាត់ និងតម្លៃដែលបានកំណត់ដោយ Tottenham Hotspur សម្រាប់ខ្សែប្រយុទ្ធរូបនេះ ក្នុងនោះកីឡាករម្នាក់ក្នុងចំណោមកីឡាករដែល Bayern ចង់បាននៅតែអាចចុះឈ្មោះនាំយកមកនោះគឺប្រធានក្រុមជម្រើសជាតិអង់គ្លេស ខណៈដែលអនាគតរបស់គាត់នៅក្លិប Spurs កំពុងស្ថិតក្នុងភាពស្រពិចស្រពិល។
នៅក្នុងអត្ថបទនេះ នឹងបង្ហាញពីចំណុចសំខាន់ៗមួយចំនួនដែលកីឡាករសញ្ជាតិអង់គ្លេសនឹងផ្តល់ជូនក្លិបយក្ស Bundesliga ប្រសិនបើការផ្ទេរមួយនេះអាចកើតឡើងនៅរដូវក្តៅនេះ៖
#១ ភាពឆ្លាតវៃ និងបទពិសោធន៍ក្នុងតំបន់ប្រយុទ្ធ
បើនិយាយពីភាពឆ្លាតវៃ ខ្សែប្រយុទ្ធជនជាតិអង់គ្លេសគឺនៅទីនោះ ហើយជំនាញរបស់គាត់ក្នុងការជ្រើសរើសមិត្តរួមក្រុមរបស់គាត់នៅក្នុងទីលានគឺអស្ចារ្យណាស់ ពាក់ព័ន្ធ និងសមត្ថភាពរបស់គាត់ក្នុងការទម្លាក់ខ្លួនចូលឲ្យជ្រៅទៅក្នុងតំបន់បម្រើ ដើម្បីជួយសម្រួលដល់ការប្រយុទ្ធគឺគួរអោយសរសើរ ហើយនេះគឺជាអ្វីដែលខ្សែប្រយុទ្ធជាច្រើនខិតខំធ្វើតាម។
ក្នុងតំណែងជាលេខប្រាំបួន Kane បានចូលរួម ៦៤ assists ក្នុងការបង្ហាញខ្លួន ៤៣៥ សម្រាប់ Tottenham Hotspur ក្នុងរយៈពេលប៉ុន្មានឆ្នាំកន្លងមកនេះ ហើយចំណុចខាងលើគឺគួរឲ្យចាប់អារម្មណ៍សម្រាប់ខ្សែប្រយុទ្ធខាងលើ ក្នុងនោះវាបង្ហាញថាគាត់គឺជាកីឡាករដែលអាចប្រើប្រាស់បាន។
#២ Kane គឺជាអ្នកបញ្ចប់ទីដ៏ល្អបំផុតម្នាក់
ខណៈពេលដែលកីឡាករដូចជា Erling Haaland និង Victor Osimhen បច្ចុប្បន្នកំពុងគ្រប់គ្រងបាល់អឺរ៉ុបទាក់ទងនឹងការស៊ុតបញ្ចូលទី កីឡាករម្នាក់ក្នុងចំណោមកីឡាករដែលកំពុងប្រកួតប្រជែងយ៉ាងខ្លាំងជាមួយយុវជនខាងលើគឺ Harry Kane កីឡាករអង់គ្លេសលេខប្រាំបួនរូបនេះបានស៊ុតបញ្ចូលទីបាន ៣២ គ្រាប់ក្នុង ៤៩ ប្រកួតក្នុងរដូវកាល ២០២២-២៣ នៅពេលអ្នកក្រឡេកមើលលេងរបស់គាត់សម្រាប់ Tottenham Hotspur ក្នុងរយៈពេលប៉ុន្មានឆ្នាំមកនេះ អ្នកនឹងសម្គាល់ឃើញថាគាត់បានស៊ុតបញ្ចូលទីសរុបចំនួន ២៨០ គ្រាប់ក្នុង ៤៣៥ ប្រកួត តាមហេតុផលនេះ វាអាចនិយាយបានថា សមត្ថភាព និងភាពប៉ិនប្រសប់របស់គាត់ក្នុងការដាក់ខ្លួនឯងនៅក្នុងប្រអប់ទីរបស់គូប្រកួតគឺអស្ចារ្យណាស់។
