គ្រូបង្វឹកបាល់ទះក្លិបក្រសួងមហាផ្ទៃថា អ្នកប៉ះសេ និងលីបេរ៉ូគឺជាផ្នែកសំខាន់បំផុតសម្រាប់ក្រុមទាំងមូល

អ្នកប៉ះសេ និងលីបេរ៉ូ គឺជាផ្នែកដ៏សំខាន់បំផុតក្នុងក្រុមបាល់ទះ មានន័យថា ប្រសិនបើមានអ្នកបំពេញតួនាទីទាំង២ បានល្អ និងធ្វើឲ្យក្រុមកាន់តែខ្លាំងបាន នេះបើតាមការលើកឡើងពីលោកគ្រូ អ៊ូ សុផល ដែលត្រូវជាគ្រូបង្វឹករបស់ក្រុមបាល់ទះ ក្រសួងមហាផ្ទៃ។

ពិតណាស់ គ្រូបង្វឹកក្រុមខ្លាំង ក្រសួងមហាផ្ទៃ លោកគ្រូ អ៊ូ សុផល បានថ្លែងថា អ្នកទស្សនាបាល់ទះមួយចំនួនផ្ដោតតែលើស្មាត់ ប៉ុន្តែប្រសិនបើមិនមានអ្នកទទួលបាល់ និងអ្នកប៉ះសេចេះរៀបចំល្អ នោះស្មាត់ក៏មិនអាចរកពិន្ទុបានដោយស្រួលដែរ។

គួរបញ្ជាក់ថា ក្រុមបាល់ទះ ក្រសួងមហាផ្ទៃ ធ្វើបានយ៉ាងល្អក្នុងជំនួបប្រកួតមិត្តភាពជាមួយក្រុមបាល់ទះ វិសាខា ការពីថ្ងៃទី ១៦ ខែមិថុនា ឆ្នាំ២០២៣ នៅពហុកីឡដ្ឋានជាតិអូឡាំពិក ដោយក្នុងលទ្ធផលយ៉ាងស្វិតស្វាញ (ក្រសួងមហាផ្ទៃ ២-៣ វិសាខា) ការពីសិតទី១ ក្រសួងមហាផ្ទៃ ២២-២៥ វិសាខា បន្តដល់សិតទី២ ក្រសួងមហាផ្ទៃ ២៣-២៥ វិសាខា ចូលដល់សិតទី៣ ក្រសួងមហាផ្ទៃ ២៥-២២ វិសាខា លុះដល់សិតទី៤ ក្រសួងមហាផ្ទៃ ២៥-២១ វិសាខា មកដល់សិតទី៥ ក្រសួងមហាផ្ទៃ ១៤-១៦ វិសាខា៕