សហព័ន្ធបាល់ទាត់ប្រេសុីលបានប្រកាសថាលោក Ancelotti នឹងក្លាយជាគ្រូបង្វឹកប្រេស៊ីលនៅឆ្នាំ ២០២៤
លោក Carlo Ancelotti យល់ព្រមនឹងសំណើរបស់ប្រធានសហព័ន្ធបាល់ទាត់ប្រេសុីល ហើយលោកនឹងក្លាយជាគ្រូបង្វឹករបស់ជម្រើសជាតិប្រេសុីល នៅពាក់កណ្ដាលឆ្នាំ ២០២៤ នេះបើយោងតាមកាសែត Sky Sport បានចុះផ្សាយ ។
លោក Ednaldo ប្រធានសហព័ន្ធប្រេស៊ីលបានថ្លែងប្រាប់អ្នកសារព័ត៌មានថាលោក Carlo Ancelotti នឹងចូលរួមជាមួយក្រុមជម្រើសជាតិប្រេសុីលនៅឆ្នាំក្រោយនេះបន្ទាប់ពីគាត់ផុតកុងត្រាជាមួយក្លិបយក្សរបស់ប្រទេសអ៉េស្បាញ គឺ Real Madrid តាមប្រភពដដែលបានបន្ថែមទៀតថាសហព័ន្ធបាល់ទាត់ប្រេស៊ីល ព្រមទាំងកីឡាករមួយចំនួនផងដែរនោះ បានសម្ដែងការពេញចិត្តនឹងលោក Ancelotti ហើយពួកគេទាំងអស់សុទ្ធសឹងតែចង់បានលោកធ្វើជាគ្រូបង្វឹក ។
គួរបញ្ជាក់ផងដែលថាលោក Ancelotti នឹងបន្តដឹកនាំ Real Madrid រយៈពេលមួយឆ្នាំទៀតរហូតដល់កុងត្រារបស់លោកអស់សុពលភាពនៅខែ មិថុនាឆ្នាំ ២០២៤ ទើបរូបលោកចូលរួមជាមួយនឹងក្រុមជម្រើសជាតិប្រេសុីលបន្ទាប់ ៕
