កីឡាករ Van de Beek មានបំណងចាកចេញពី Manchester United នៅរដូវកាលនេះ
ខ្សែបម្រើ Van de Beek កំពុងពិចារណាក្នុងការចាកចេញពីក្លិប Manchester United នៅក្នុងពេលឆាប់ៗខាងមុខ បន្ទាប់ពីរូបគេមិនសូវបានបង្ហាញខ្លួននៅលើទីលាន នេះបើយោងតាមការចុះផ្សាយរបស់ Fotmob នៅក្នុងថ្ងៃនេះ ។
កីឡាករ Van de Beek បានផ្លាស់មកលេងអោយក្លិប Manchester United កាលពីឆ្នាំ ២០២០ រហូតមកដល់ពេលបច្ចុប្បន្ន ដោយរូបគេបង្ហាញខ្លួនអោយក្រុម បិសាចក្រហម បានត្រឹមតែ ៦០ ប្រកួតប៉ុណ្ណោះ បើទោះជាគេមានទំនាក់ទំនងល្អជាមួយនឹងលោកគ្រូ Erik Ten Hag ពិតមែន ប៉ុន្តែកីឡាកររូបនេះហាក់ដូចជាមិនសូវបានចូលលេងក្នុងជម្រើសដំបូងសម្រាប់ក្រុមឡើយ ជាពិសេសគឺចាប់ពីខែមករា ឆ្នាំ២០២៣នេះមក កីឡាករនេះអវត្តមានគ្រប់ការប្រកួតទាំងអស់តែម្ដងព្រោះតែគាត់មានបញ្ហារបួសជង្គង់ ។
គួរបញ្ជាក់ផងដែរថា ខ្សែ Van de Beek មានក្លិបលីគកំពូលរបស់ប្រទេសអុីតាលី ជាច្រើនដែលចង់បានរូបគេ យ៉ាងណាមិញ Man Utd ចង់ឲ្យកីឡាករនេះផ្លាស់ទៅក្លិបទាំងនោះក្នុងលក្ខខណ្ឌខ្ចីជើងជាជាងលក់ផ្តាច់ចេញទាំងស្រុង៕
