Inter Milan សម្រេចដាក់សំណើម្ដងទៀតសម្រាប់ Lukaku បន្ទាប់ពី Chelsea ច្រានចោលសំណើលើកមុន

យោងតាមអ្នកការសែតល្បីឈ្មោះអ៊ីតាលីលោក Fabrizio Romano បានឲ្យដឹងថា ក្លិប Inter Milan បានដាក់សំណើសារជាថ្មីរបស់ពួកគេសម្រាប់ខ្សែប្រយុទ្ធ Romelu Lukaku បន្ទាប់ពីក្លិប Chelsea បានច្រានចោលកាលពីលើកមុន ដោយការដេញថ្លៃចុងក្រោយរបស់ Inter មានតម្លៃជាង ៤០ លានផោន។

យ៉ាងណាមិញ ក្លិប Juventus ក៏​បាន​ចូល​រួម​ក្នុង​ការ​ដេញ​ថ្លៃ​នេះផង​ដែរ ខណៈ​ដែល​ពួក​គេ​បានដាក់តម្លៃ ៣៧,៥ លាន​អឺរ៉ូ បូក​និង ២,៥ លាន​អឺរ៉ូ​ទៀតសម្រាប់កីឡាករសញ្ជាតិ បែលហ្សុិក ចំពោះការដេញថ្លៃនេះមានសុពលភាពប្រសិនបើពួកគេលក់ខ្សែប្រយុទ្ធ Dusan Vlahovic ដែលត្រូវបានចាប់អារម្មណ៍ជាខ្លាំងពីសំណាក់ក្លិប PSG ។

គួរបញ្ជាក់ថា Romelu Lukaku បានចូលរួមជាមួយក្លិប Chelsea ក្នុងឆ្នាំ ២០២១ បន្ទាប់ពីផ្លាស់ពីក្លិប Inter Milan ក្រោយមករូបគេក៏ត្រូវបានគេដឹងថា មិនសូវសប្បាយចិត្តនៅក្នុងទឹកដីអង់គ្លេស ក៏ក្រុមដែលស្ថិតនៅអ៊ីតាលីបានធ្វើការចុះកុងត្រាខ្ជីជើង Lukaku រយៈពេលមួយឆ្នាំពីក្រុមតោខៀវ គិតមកទល់បច្ចុប្បន្នកិច្ចព្រមព្រៀងនេះត្រូវបានអស់សុពលភាពហើយ៕ ប្រភព៖ tribuna