Fred ពិចារណាចាកចេញពីក្រុម បិសាចក្រហម
ខ្សែបម្រើកណ្តាល Fred របស់ក្លិប Manchester United កំពុងពិចារណាចង់ចាកចេញពីក្លិបមួយនេះ បន្ទាប់ពីរូបគេមិនសូវបានបង្ហាញខ្លួនក្នុងជម្រើស ១១នាក់ដំបូង ក្រោមការដឹកនាំរបស់លោក Erik Ten Hag នេះបើតាមការចុះផ្សាយរបស់ Fabrizio Romano ។
តាមប្រភពដដែលបានអោយដឹងថា Fred ត្រូវបានក្លិប Galatasaray របស់ទួរគី បានដាក់សំណើរក្នុងការផ្ទេរខ្សែបម្រើសញ្ជាតិ ប្រេសុីល រូបនេះនៅក្នុងរដូវក្តៅខាងមុន ប៉ុន្តែខាងក្លិប បិសាចក្រហម នៅមិនទាន់យល់ព្រមនឹងសំណើមួយនេះឡើយដោយសារតម្លៃផ្ទេរមិនទាន់ឯកភាពគ្នា ក្រៅពីក្លិប Galatasaray ក៏មានក្លិបមួយចំនួនទៀតដែលចង់បាន Fred រួមមានក្លិបនៅអារ៉ាប៊ីសាអ៊ូឌីត ក្លិប Fulham និងក្លិបជាច្រើនទៀតនៅអង់គ្លេសជាដើម ។
គួរបញ្ជាក់ផងដែរថា Fred បានមកចូលរួមជាមួយបិសាចក្រហមកាលពីឆ្នាំ ២០១៨ និងលេងសរុបឲ្យក្លិបចំនួន ២១៣ លើក និងស៊ុតចូល ១៤គ្រាប់៕
