ពិតជាខ្លាំងមិនធម្មតាមែន! ក្រុមបាល់ទះក្រសួងមហាផ្ទៃ ដណ្តើមបានមេដាយមាស នៅកាណាដា ក្រោយឈ្នះប្រេស៊ីល ៣សិត០ (មានវិដេអូ)
អបអរសាទរ ដល់ក្រុមបាល់ទះក្រសួងមហាផ្ទៃ ដែលបានបង្កើតសមិទ្ធផលដ៏អស្ចារ្យដោយដណ្ដើមបានមេដាយមាស ពីការប្រកួតជើងឯកនគរបាលពិភពលោក ឆ្នាំ២០២៣ នៅប្រទេសកាណាដា កាលពីម្សិលមិញ ក្រោយវាយផ្ដាច់យកឈ្នះលើក្រុមខ្លាំងបាល់ទះប្រេស៊ីល CBMDF ក្នុងលទ្ធផល ៣ សិតទល់និង ០ នៅវគ្គផ្តាច់ព្រ័ត្រ។
ពិតណាស់ មេដាយមាសដែលក្រុមបាល់ទះក្រសួងមហាផ្ទៃ ដណ្ដើមបាននោះ គឺនៅក្នុងព្រឹត្តិការណ៍ World Plice & Fire Games 2023 នាថ្ងៃទី២៩ ខែកក្កដា ឆ្នាំ២០២៣ ដោយក្រុមបាល់ទះក្រសួងមហាផ្ទៃ ដណ្តើមបានជ័យជម្នះ ៦ប្រកួតជាប់ៗគ្នា ក្នុងព្រឹត្តិការណ៍នោះ ដែលប្រព្រឹត្តទៅនៅប្រទេសកាណាដា។
គួរបញ្ជាក់ផងដែរថា មុននឹងក្រុមបាល់ទះក្រសួងមហាផ្ទៃ ទទួលបានមេដាយមាសក្នុងព្រឹត្តិការណ៍ World Plice & Fire Games 2023 នេះ គឺក្រុមបាល់ទះក្រសួងមហាផ្ទៃ បានជួបជាមួយក្រុមរបស់ប្រទេសប្រេស៊ីល ដល់ទៅ ២ក្រុម នៅក្នុងវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ ហើយជាលទ្ធផល ក្រុមបាល់ទះក្រសួងមហាផ្ទៃ បានយកឈ្នះក្រុមប្រេស៊ីល នៅវគ្គពាក់កណ្ដាលផ្ដាច់ព្រ័ត្រ ២ សិតទល់ ០ លុះមកដល់វគ្គផ្ដាច់ព្រ័ត្រ ក្រុមបាល់ទះក្រសួងមហាផ្ទៃ បានយកឈ្នះក្រុមប្រេស៊ីល CBMDF ក្នុងលទ្ធផល ៣ សិតទល់ ០ ទទួលបានមេដាយមាស តែម្តង៕