Man United ទទួលបានទឹកប្រាក់ចំនួន ១.១ពាន់លានដុល្លារ បន្ទាប់ពីកិច្ចព្រមព្រៀងមួយនេះបានសម្រេច ( មានវីដេអូ )
Man United បានឈានដល់កិច្ចព្រមព្រៀងដ៏ធំមួយជាមួយ Adidas ហើយវាបានបង្ហាញពីបញ្ហាប្រឈមដ៏ធំរបស់ Arsenal និង Chelsea ក្នុងនោះ Manchester United គ្រោងនឹងបោះជំហានទៅមុខយ៉ាងធំពី Chelsea និង Arsenal បន្ទាប់ពីការវិភាគនៃកិច្ចព្រមព្រៀងឧបត្ថម្ភថ្មីបំផុតរបស់ពួកគេត្រូវបានបង្ហាញឲ្យដឹង។
ដោយបានចាប់ដៃគូជាមួយ Adidas ក្នុងឆ្នាំ ២០១៥/១៦ ឥឡូវនេះ United បានប្រកាសពីការបន្តកិច្ចសន្យារបស់ពួកគេរហូតដល់ឆ្នាំ ២០៣៥។ សេចក្តីថ្លែងការណ៍របស់បិសាចក្រហមបានសរសេរថា៖
“Adidas និង Manchester United Football Club មានសេចក្តីសោមនស្សរីករាយក្នុងការប្រកាសពីការបន្តនៃកិច្ចពិភាក្សាដ៏រំភើបបំផុតមួយ។ ភាពជាដៃគូក្នុងកីឡាពិភពលោក។ Manchester United បានចាប់ផ្តើមកិច្ចព្រមព្រៀងជាប្រវត្តិសាស្ត្រជាមួយ Adidas នៅដើមរដូវកាល ២០១៦/១៦ ដោយបានសហការជាមួយគ្នាវិញបន្ទាប់ពី ២៣ ឆ្នាំ។ ក្នុងរដូវកាលបន្តបន្ទាប់ Adidas និង Manchester United បានធ្វើអោយអ្នកគាំទ្រជុំវិញពិភពលោករំភើបជាមួយនឹងគំនិតផ្តួចផ្តើមគំនិតឆ្ពោះទៅមុខ ការរចនារូបតំណាងនៅលើ ទីលាន និងវប្បធម៌ដែលអ្នកគាំទ្រចូលចិត្តស្លៀកពាក់ពីវា។
កិច្ចព្រមព្រៀងថ្មីនេះបង្កើនការផ្តោតអារម្មណ៍លើក្រុមស្ត្រី Manchester United ចាប់តាំងពីការចាប់ផ្តើមរបស់ពួកគេឡើងវិញក្នុងឆ្នាំ ២០១៨ – បន្តការប្តេជ្ញាចិត្តរបស់ Manchester United និង Adidas ក្នុងការជំរុញការប្រកួតរបស់ស្ត្រីឲ្យឆ្ពោះទៅមុខទៀត” ។
វាក៏នឹងផ្តល់ឲ្យលោក Erik ten Hag នូវការជំរុញផ្នែកហិរញ្ញវត្ថុដ៏ធំសម្បើមផងដែរ នៅពេលដែល United សម្លឹងរកការធានាកន្លែងរបស់ពួកគេនៅក្នុងពានរង្វាន់បាល់ទាត់អឺរ៉ុបម្តងទៀត ដោយប្រកួតប្រជែងដោយផ្ទាល់ជាមួយក្លិបល្អបំផុតរបស់ទីក្រុងឡុងដ៍ ។ ក្នុងនាមជាយីហោសម្លៀកបំពាក់កីឡាដ៏ធំបំផុតមួយ និងទទួលបានការស្គាល់ជាច្រើននៅក្នុងពិភពលោក United កំពុងទទួលបានចំនួនទឹកប្រាក់យ៉ាងច្រើនជាមួយនឹងកិច្ចព្រមព្រៀងដ៏សម្បើមរហូតដល់ ៩០០ លានផោន ឬប្រមាណ ១.១៥ ពាន់លានដុល្លារ ក្នុងរយៈពេលដប់ឆ្នាំខាងមុខ៕
ប្រភព៖ football.london
