PSG ជំរុញឲ្យ Real Madrid បន្ថែមកីឡាករ ២រូបដើម្បីនាំយក Kylian Mbappe

PSG ត្រូវបានគេរាយការណ៍ថាបានស្នើសុំឲ្យ Real Madrid រួមបញ្ចូលទាំង Eduardo Camavinga ឬ Rodrygo នៅក្នុងកិច្ចព្រមព្រៀងសម្រាប់ Kylian Mbappe ប្រសិនបើពួកគេមិនចង់ចាយ ២៥០ លានអឺរ៉ូដែល PSG ស្នើសុំ។

យោងតាមរបាយការណ៍របស់ El Nacional បានឲ្យដឹងថា PSG កំពុងទាមទារកីឡាករម្នាក់ក្នុងចំណោមកីឡាករពីរនាក់ជាថ្នូរនឹងការត្រលប់ពី Real Madrid នៅរដូវក្តៅនេះ ប្រសិនបើ Mbappe ផ្លាស់ទៅក្លិបអេស្ប៉ាញ បន្ថែមពីលើសំណើរទឹកប្រាក់។ លោក Luis Enrique ចង់ធ្វើការជាមួយកីឡាករដែលបានរៀបរាប់ខាងលើ ហើយបានស្នើសុំឲ្យម្ចាស់ជើងឯក Ligue 1 បន្តកិច្ចព្រមព្រៀងនេះ ក្នុងនោះគ្រូបង្វឹកសញ្ជាតិអេស្ប៉ាញរូបនេះ ត្រូវបានគេរាយការណ៍ថា ជឿជាក់ថាគាត់អាចប្រជែងតំណែងកំពូលជាមួយក្លិបយក្សបារាំង បើទោះបីជា Mbappe ចាកចេញក៏ដោយ។

ទោះជាយ៉ាងណាក៏ដោយ លោក Carlo Ancelotti មិនចាប់អារម្មណ៍លើកិច្ចព្រមព្រៀងដែលបានស្នើឡើងនោះទេ ហើយបានជំរុញឲ្យ Real Madrid កុំឲ្យអ្នកទាំងពីរចាកចេញ។ Real Madrid ត្រូវបានគេរាយការណ៍ថាមានឆន្ទៈក្នុងការរង់ចាំចុះហត្ថលេខាលើ Mbappe លើការផ្ទេរដោយឥតគិតថ្លៃនៅពេលដែលកិច្ចសន្យារបស់គាត់ជាមួយ PSG នឹងផុតកំណត់នៅរដូវក្តៅក្រោយ៕