ក្លិបមួយនេះបានព្យួរអាវលេខ១០ រយៈពេល ៣រដូវកាលក្រោយកីឡាករចាកចេញ
កីឡាករឆ្នើមរបស់ក្លិបបាល់ទាត់វិសាខា កែវ សុខផេង បានសម្រេចព្យួរស្បែកជើងពីអាជីពបាល់ទាត់ហើយដោយសារមានរបួសរាំរ៉ៃមិនអាចបន្ដការប្រកួតប្រជែងទៀតបាន ក៏ដូចជាការចង់ផ្ដល់ឱកាសឲ្យសិស្សប្អូនជំនាន់ក្រោយបានបង្ហាញសមត្ថភាពបន្តទៀត។
ក្រោយពីមានការប្រកាសដំណឺងដ៏ភ្ញាក់ផ្អើលមួយនេះដល់បងប្អូនស្នេហាវិស័យបាល់ទាត់ គេមិនទាន់ដឹងទេថា អ្នកណាជាម្ចាស់អាវលេខ១០ នៅឡើយទេ ក្រុមគ្រងតំណែងជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន ៣សម័យជាប់គ្នាមួយនេះ ប្រកាសថា ត្រូវទុកអាវលេខ១០នេះ ឲ្យទំនេរ ៣រដូវកាល។ នេះបើយោងតាមថ្នាក់ដឹកនាំរបស់ក្លិបបាល់ទាត់វិសាខា បានបង្ហើមនៅថ្ងៃពិធីជួបជុំក្រុមមុនចូលនិវត្តន៍ កាលពីពេលថ្មីៗនេះ។
តាមការបញ្ចាក់ពីក្រុមសារព័តមានកីឡាក្នុងស្រុកមួយលើកឡើងថា ការរក្សាទុកអាវលេខ១០ អោយទំនេរនេះគឺជាការរតបស្នងសងគុណដល់ការប្រឹងប្រែងរបស់ កែវ សុខផេង កន្លងមកលើវិថីបាល់ទាត់មួយក្លិបបាល់ទាត់វិសាខា។
គួរបញ្ចាក់ផងដែរថាកីឡាករ កែវ សុខផេង បានផ្ទេរមកចូលរួមជាមួយក្លិបកីឡាបាល់ទាត់ វិសាខា តាំងពីឆ្នាំ២០១៨ មកម្លេះ គាត់ជាកីឡាករមួយដែលចូលរួមចំណែកជួយក្រុមបង្កើតប្រវត្តិសាស្ដ្រ គ្រប់គ្រងតំណែងជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន ៣សម័យជាប់ៗគ្នា៕