ខ្សែប្រយុទ្ធឆ្នើមរបស់ PSG រូបនេះបានចូលរួមជាមួយ Sampdoria ក្នុងលក្ខខណ្ឌខ្ចីជើងហើយ

ដោយមានការចាប់អារម្មណ៍ក្នុងអំឡុងពេលដំណើរទេសចរណ៍មុនរដូវកាលរបស់ Paris Saint-Germain នៅអាស៊ីនៅរដូវក្តៅនេះ ខ្សែប្រយុទ្ធវ័យ ១៨ ឆ្នាំ Noha Lemina គ្រោងនឹងខ្ចីជើងទៅក្រុម Sampdoria នៃក្របខណ្ឌ Serie B នេះបើយោងតាមរបាយការណ៍ពី L’Équipe នៅថ្ងៃនេះ ។

ខ្សែប្រយុទ្ធរូបនេះគឺជាប្អូនប្រុសរបស់ខ្សែបម្រើ Wolves និងកីឡាករអន្តរជាតិហ្គាបុង Mario Lemina អតីតក្លិប Marseille, Juventus និង Nice ។ Noha Lemina ត្រូវបានចុះហត្ថលេខាលើកិច្ចសន្យាអាជីពរបស់គាត់ដោយម្ចាស់ជើងឯក Ligue 1 កាលពីខែតុលាឆ្នាំមុន ហើយបានបង្ហាញខ្លួនក្នុងជម្រើស១១នាក់ដំបូងសម្រាប់ការប្រកួតមិត្តភាពជាមួយ Al-Nassr កាលពីប៉ុន្មានសប្តាហ៍មុន។

កីឡាករជម្រើសជាតិបារាំងដែលស៊ុតបញ្ចូលទីបាន ៤ គ្រាប់ក្នុងយុទ្ធនាការ Youth League របស់ PSG កាលពីរដូវកាលមុននោះ ឥឡូវនេះនឹងស្វែងរកបទពិសោធន៍ក្នុងក្រុមធំនៅក្នុងប្រទេសអ៊ីតាលី។ ការខ្ចីជើងនេះត្រូវបានកំណត់ថានឹងត្រូវបានបញ្ចប់នៅក្នុងប៉ុន្មានថ្ងៃខាងមុខនេះ ហើយមិនត្រូវបានគេរំពឹងថានឹងរួមបញ្ចូលជម្រើសសម្រាប់ Ligurians ដើម្បីធ្វើកិច្ចព្រមព្រៀងជាអចិន្ត្រៃយ៍នៅចុងបញ្ចប់នៃយុទ្ធនាការនោះទេ៕