ឌឺដងដៀមដាមតាមពិតសុទ្ធតែគ្នាឯងសោះ ខ្លាចាស់កំពូលល្បិច Thomas Muller បានជ្រើសយក M10ថា ជា GOAT មិនមែន CR7 ឡើយ

ខ្សែបម្រើប្រយុទ្ធចាស់វស្សារបស់ Bayern Munich និងជម្រើសជាតិអាឡឺម៉ង់កីឡាករ Thomas Muller បានប្រែចិត្តជ្រើសយក Lionel Messi ថាជាកីឡាករល្អបំផុតគ្រប់ពេលវេលាវិញ បន្ទាប់ពីត្រូវបានគេសួរនាំនិងជ្រើសយកម្នាក់ក្នុងចំណោមកពូលកីឡាករ ២រូប M10 និង CR7 ក្រោយពេលគេឃើញកីឡាករអាឡ៉ង់រូបនេះតែងតែចូលទៅខម្មិនសឹងគ្រប់ផុសរបស់ Messi នៅមួយរយៈពេលចុងក្រោយនេះ ដែលមើលទៅហាក់ដូចជាស្និតស្នាលគ្នាមែនទែន។

គួររម្លឹកផងដែរថា កាលពីពេលមុន Muller តែងតែលើកសរសើរពេញៗមាត់ទៅកាន់ខ្សែប្រយុទ្ធម្ចាស់អាវលេខ ៧ របស់ Al-Nassr ថា Ronaldo គឺល្អជាង Messi ហើយក្នុងនោះគាត់ធ្លាប់បាននិយាយយ៉ាងដូច្នេះថា៖ “ខ្ញុំសូមជ្រើសរើសយក Ronaldo និងការលេងទល់និង Messi គឺមានភាពងាយស្រួលជាង។

ដោយឡែកលេងទល់ Ronaldo ខ្ញុំមានស្ថិតិមិនល្អនោះទេ ប៉ុន្តែយ៉ាងណាមិញកាលពីពេលថ្មីៗនេះនៅក្នុងកិច្ចសម្ភាសន៍មួយ Muller បែរជាប្រែចិត្តជ្រើសរើសយក Messi ជំនួសវិញ ដោយនៅក្នុងកិច្ចសម្ភាសន៍នោះ គាត់ថែមទាំងលើកឡើងថា Messi គឺជា GOAT ទៀតផង។ ដោយបានដកស្រង់ពាក្យសម្តីដើម Muller បាននិយាយយ៉ាងដូច្នេះថា៖ តើនរណាជាកីឡាករល្អបំផុតគ្រប់ពេលវេលា? The GOAT សម្រាប់ខ្ញុំ គឺMessi ពីព្រោះដោយសារគាត់គឺបានធ្វើឱ្យមនុស្សជាច្រើននិយាយថា ខ្ញុំទៅកីឡដ្ឋាន ដោយសារតែភាពអស្ចារ្យរបស់គាត់ ហើយក្នុងពេលជាមួយគ្នានោះ គាត់បានបង្ហាញ នូវឥទ្ធិពលយ៉ាងអស្ចារ្យតាមរយៈការស៊ុតបញ្ចូលទីនិងសម្រេចបាននូវកំណត់ត្រា និង ពានរង្វាន់ផ្សេងៗជាច្រើន។

សូមបញ្ជាក់ថា Cristiano ក៏ជាបេក្ខភាពដ៏ខ្លាំងក្លាផងដែរ ជុំវិញការបង្កើតស្ថិតិនិងការឈ្នះពានរង្វាន់ផ្សេងៗ ប៉ុន្តែMessi គឺមានភាពសាមញ្ញនិង នឹងធឹងជាង ហើយជាការពិតណាស់បើនិយាយទៅ Muller និងក្រុមរបស់គាត់ធ្លាប់ធ្វើឲ្យ M10 ឈឺចាប់និងស្រក់ទឹកភ្នែកមិនតិចដងនោះទេ ទាំងនៅជម្រើសក្រុមនិងនៅជម្រើសជាតិ ហើយអ្វីដែលអ្នកគាំទ្រចាំមិនភ្លេចនោះគឺការបរាជ័យ World Cup វគ្គផ្តាច់ព្រ័ត្រកាលពីឆ្នាំ2014 និងលទ្ធផល8-2 កាលពីឆ្នាំ2020 តែយ៉ាងណាមិញនេះគ្រាន់តែជាអតីតកាលដែលកន្លងហួសទៅហើយ៕