ពេលនេះ! រកឃើញក្រុមដែលឡើងទៅវគ្គផ្ដាច់ព្រ័ត្រ នៃពានរង្វាន់បាល់ទះជើងឯកផ្នែកនារីប្រចាំទ្វីបអាស៊ីហើយ

ម្ចាស់ជើងឯក ១៣ លើក ចិន នឹង​ត្រូវ​ជួប​ម្ចាស់ផ្ទះ ថៃ នៅការប្រកួត​វគ្គផ្ដាច់ព្រ័ត្រ (Semi-finals) នៃព្រឹត្តិការណ៍​​បាល់ទះ​ជើង​ឯកផ្នែកនារី​ប្រចាំ​ទ្វីប​អាស៊ី 2023 Asian Women’s Volleyball Championship នៅលើទឹកដីថៃ។

ពិតណាស់ ការប្រកួតវគ្គផ្ដាច់ព្រ័ត្រ ចិន ជួប ថៃ នៅក្នុង​សាល MCC Hall The Mall Korat ថ្ងៃទី០៦ ខែកញ្ញា នៅវេលាម៉ោង ០៦ៈ០០នាទីល្ងាចនេះ ហើយការប្រកួតយកចំណាត់ថ្នាក់លេខ២ និងលេខ៣ វៀតណាម ត្រូវជួប ជប៉ុន នៅក្នុង​សាល MCC Hall The Mall Korat នៅថ្ងៃទី០៦ ខែកញ្ញា វេលាម៉ោង ០៣ៈ០០នាទីល្ងាចនេះដូចគ្នា។

នេះជាលទ្ធផលប្រកួត​វគ្គពាក់កណ្ដាលផ្ដាច់ព្រ័ត្រ កាលពីម្សិលមិញ៖

– ថៃ ឈ្នះ ជប៉ុន ដោយលទ្ធផល ៣-២ (២៥-២៣,១៩-២៥, ២០-២៥, ២៥-២០,១៥-១១)
– វៀតណាម ឈ្នះដោយលទ្ធផល ចិន ៣-០ (១៣-២៥, ១២-២៥, ២២-២៥)

គួរបញ្ជាក់ថា កំណត់ត្រារបស់ក្រុមទាំង ២ ពេលកន្លងមក ក្នុងនោះក្រុមបាល់ទះនារី ចិន បានឈ្នះ​​ជើង​ឯក​បាន​ច្រើន​ជាង​គេ​គឺ​រហូត​ដល់​ ១៣​លើក (១៩៧៩ ១៩៨៧ ១៩៨៩ ១៩៩១ ១៩៩៣ ១៩៩៥ ១៩៩៧ ១៩៩៩ ២០០១ ២០០៣ ២០០៥ ២០១១ ២០១៥) ហើយក្រុមបាល់ទះនារី ថៃ បានឈ្នះ​​ជើង​ឯក​បាន​ចំនួន ២លើកប៉ុណ្ណោះ គឺឆ្នាំ (២០០៩ ២០១៣)៕