អុញនោះ! ពេលនេះ Promoter ថា មានតែដាក់ Rodtang ទេ ទើបសមជាមួយក្របីព្រៃ ពេជ្រ សម្បត្តិ…
បន្ទាប់ពីមានគេសួរ Promoter ដែលដឹកនាំកីឡាករថៃមកប្រកួតនៅស្រុកខ្មែរថា តើអ្នកណាជាបន្ទាប់ដែលត្រូវប៉ះជាមួយក្របីព្រៃ ពេជ្រ សម្បត្តិ! ស្រាប់តែ Promoter ដែលដឹកនាំកីឡាករថៃមកប្រកួតនៅស្រុកខ្មែរ បានឆ្លើយភ្លាមៗវិញថា មានតែកីឡាករ Rodtang ទេ ដែលសាកសមជាមួយ ពេជ្រ សម្បត្តិ ។
ពិតណាស់ នាពេលកន្លងទៅអតីតជើងខ្លាំងល្បីឈ្មោះ នៅកម្ពុជា លោក នួន សូរិយា ក៏ធ្លាក់និយាយដែលថា ក្នុងរយៈពេល ២ឆ្នាំមកនេះ កីឡាករ ពេជ្រ សម្បត្តិ បានធ្វើការប្រកួតយ៉ាងល្អ និងល្បីដូចនេះ អនាគតទៅអាចនឹងខ្លាំងជាងអ្នកលេងគុនថៃ រថថាំង (Rodtang) ទៅទៀត តែឥឡូវនេះ Promoter ដែលដឹកនាំកីឡាករថៃមកប្រកួតនៅស្រុកខ្មែរ ក៏និយាយដែលថា ពេជ្រ សម្បត្តិ គឺខ្លាំងពិបាករកកីឡាករថៃណាមកប្រកួតជាមួយគេណាស់ ចឹងមានតែ រថថាំង (Rodtang) ទេ ដែលសាកសម។
យ៉ាងណាមិញ Promoter ដែលដឹកនាំកីឡាករថៃមកប្រកួតនៅស្រុកខ្មែរ បាននិយាយថា៖ “គាត់បានមើលការប្រកួតរវាង ពេជ្រ សម្បត្តិ នឹង ឃីម បូរ៉ា ហើយ គាត់ភ្ញាក់ផ្អើលពេលឃើញការប្រកួតនោះ ពីការបុក នីងស្វិតស្វាញ ហើយនិងកក្រើក គាត់មិននឹកស្មានថា អ្នកទាំងពីរធ្វើបានល្អដល់កម្រិតនេះនោះទេ។ គាត់បន្តទៀតថា ឃីម បូរ៉ា ធ្លាក់បានផ្តួលគាត់ ដោយប្រើជង្គង់ ខណៈដែលការប្រកួតជាមួយ ពេជ្រ សម្បត្តិ បូរ៉ា បានចេញអាវុធច្រើនមែនទែន ទាំងការ ម៉ាត់ ជង្គង់ កែង កណ្តាប់ដៃ មានអស់ហើយ ប៉ុន្តែ ពេជ្រ សម្បត្តិ នៅតែញញឹមដើរចូល វ៉ៃដោយទំនុកចិត្ត អញ្ចឹងបើរកកីឡាករដែលល្អ ដែលពេញជាមួយ ពេជ្រ សម្បត្តិ មានតែ រថថាំង (Rodtang) ទេ ព្រោះអ្នកទាំងពីរនេះ វាយអត់ឈឺដូចគ្នា”។
អ្នកដឹកនាំកីឡាករថៃមកប្រកួតនៅស្រុកខ្មែរ បានបញ្ជាក់ផងដែរថា បើអ្នកទាំងពីរ (ពេជ្រ សម្បត្តិ និង រថថាំង) ប៉ះគ្នាមែនដឺងតែកក្រើកហើយ ព្រោះអ្នកទាំងពីរ សុទ្ធតែកីឡាករវាយបុក និងស្វិតដូចគ្នា ហើយប្រសិនបើយកកីឡាករវាយរត់ វាយថយ មកគឺ ពិបាកវាយជាមួយណាស់៕